為咗打機可以去到幾盡 英國逃犯冒險出門買Game被捕
撰文：odin | 圖片來源：West Midlands Police
【Game】英國逃犯冒險出門買Game被捕
早前英國一名36歲男子Clint Butler喺越獄後躲藏咗幾個月，為咗購買《決勝時刻：黑色行動冷戰》遊戲冒險出門，被當地警方發現再次被捕，因為搶劫及使用槍械犯案而被處以17年有期徒刑，舊年11月越獄之後一直躲避警方嘅追捕，早前Butler冒險出門為咗買《決勝時刻：黑色行動冷戰》嗰陣遇到警察，當時佢試圖改道引起咗警方嘅注意，被警方上前詢問Butler點解喺疫情封鎖期間跑到外面，而佢回答係為咗買Game重拎咗隻《決勝時刻》出嚟，隨後喺警方詢問細節時Butler襲擊其中一名警員，而被捕後佢因為越獄被追加13個月刑期，加上襲警再加添6個月刑期，佢呢個行為連警方都表示困惑，表示唔明點解佢要喺封鎖期間買一隻需要入城先拎到嘅電子遊戲。
【Game】為咗打機可以去到幾盡
《決勝時刻：黑色行動冷戰》集結咗「Activision」旗下兩大工作室「Treyarch」與「Raven」合力開發，加上包括「Beenox」、「High Moon Studios」、「Sledgehammer Games」與「Activision」上海工作室嘅協助研發，如今再度合作製作出冷戰呢款遊戲，並以多條時間軸及多個地方嚟拓展《決勝時刻：黑色行動》嘅故事起點，並忠於當初原作嘅觀點，《決勝時刻：黑色行動冷戰》遊戲講述玩家身為菁英特戰兵，將會一路追蹤某位代號為「柏修斯」嘅神秘人物，「柏修斯」正在執行一項顛覆全球勢力平衡並改變歷史路線嘅任務，玩家將會同《黑色行動》名角色伍茲、梅森同哈德森一齊深入呢場全球陰謀嘅黑暗中心，同其他新登場嘅特戰兵一齊行動，阻止呢場危機嘅發生。
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
