【免費遊戲】3款大作遊戲包括《刺客教條 2》限時免費下載 PC PS4都有分鼓勵你宅家打機！

撰文：海月｜圖片來源：Sony SIEH、Ubisoft

【免費遊戲】3款大作遊戲限時免費下載 廠商推免費遊戲鼓勵你宅家打機！

家下因為武漢肺炎，唔少人都決定宅家打機，今次Ubisoft及Sony SIEH就為一眾宅家機迷，送上武漢肺炎期間難得嘅好消息，就係廠商將3款大作變成免費遊戲，讓玩家限時下載。3款遊戲包括《刺客教條 2》、《UNCHARTED: The Nathan Drake Collection》（秘境探險：奈森德瑞克合輯）及《Journey》（風之旅人），分別喺PC嘅Uplay平台，及PS4上嘅PSN平台上限時免費。

免費遊戲《刺客教條 2》點拎？

即日起至4月17日晚上9點止，只要用家登入Uplay平台，就可以永久擁有《刺客教條 2》。另外，目前Uplay平台上《刺客教條》系列其他作品，亦同時展開全面特價，有興趣嘅玩家亦可以趁機一次買齊，夠你玩足2個月！

Uplay網址：https://uplay.ubisoft.com

免費遊戲《UNCHARTED: The Nathan Drake Collection》、《Journey》點拎？

Sony SIEC日前宣布啟動「Play At Home」活動，當中一大重點就係讓玩家在肺炎疫情期間，保持社交距離，所以將「提供在家遊玩嘅免費遊戲」。限時免費遊戲時間由4月16日凌晨4點起，至5月6日凌晨4點為止，用家只要在PS Store直接下載即可，並不需成為PS Plus會員。不過要留意一點，如果是德國及中國大陸地區的玩家，免費遊戲將變成《Knack 2》及《Journey》。

PSN網址：https://store.playstation.com/zh-hant-hk/

同場加映

Switch宣布本周恢復出貨！動物森友會主機4月尾任天堂再開訂 唔洗再食炒價Switch

早前，因受武漢肺炎影響，任天堂宣布暫時停止Switch主機出貨，包括《集合啦！動物森友會》特別版主機以及Switch Lite，令原本人氣相當高嘅Switch全球大缺貨，更炒至天價。估唔到相隔一星期後，終於傳來好消息。

任天堂終於喺日前於Twitter宣布，最快將尤今個星期恢復Switch日本發貨，Switch及Switch Lite亦會喺今個星期開始重新發售。而人氣高企備受「大頭菜炒家」鍾愛嘅遊戲《集合啦！動物森友會》特別版Switch主機，亦會喺4 月下旬繼續出貨，而用家可到時到網上渠道購買。

[お知らせ]Nintendo Switch・Nintendo Switch Lite本体は今週およびその後も出荷する予定です。また、「あつまれ どうぶつの森 本体セット」は、4月下旬頃の出荷を予定しています。多くはECサイトや販売店において、オンラインで販売される予定です。くわしくは各販売店にご確認ください。

— 任天堂株式会社 (@Nintendo) April 14, 2020

開賣網址如下！

4月尾開賣網址：https://store.nintendo.co.jp/item/HAD_S_KEAGC.html

記得捕實，同要用集運哦！一開訂新Monday都會即刻有後續報導！