【魔物獵人】齊人之福唔易享!港男網上賣遊戲隨時搞出人命 爭個隊友就可以出發 重恐怖過打雙怨(婦)龍

【魔物獵人】齊人之福唔易享!港男網上賣遊戲隨時搞出人命 爭個隊友就可以出發 重恐怖過打雙怨(婦)龍

【魔物獵人】《魔物獵人:崛起(Monster Hunter Rise)》遊戲已經推出,獵人們相信都重日夜巔倒咁瘋狂狩獵中,除咗令唔少打工仔冇精神返工,重成為咗唔少情侶爭執嘅導火線,不過都有例外嘅,網上亦有唔少男仕曬閃表示另一半大方送贈遊戲,但曬閃同時隨時搞出人命。

撰文:odin丨圖片:Facebook截圖、遊戲截圖

【魔物獵人】港男網上賣遊戲隨時搞出人命

《魔物獵人:崛起(MHR)》尋日終於正式推出啦!《魔物獵人:崛起(MHR)》今次再度回歸手提機,機迷相當期待,因為除咗網上連機一齊組隊屠龍之外,重可以約埋三五知己出嚟一齊打餐飽,情侶們除咗需要擔心掛住打機唔覆另一半引來殺身之禍外,就連交收都有危險?近排本地一個Facebook專頁入面,就有一位港男表示手頭上多咗隻《魔物獵人:崛起(MHR)》希望轉售,本來係一件簡單不過嘅網上交易,其內容就成功引來網友們關註,甚至形容樓主膽大包天,「簡直用生命硬接去交收」、「會唔會搞出人命」。

【魔物獵人】港男網上賣遊戲隨時搞出人命。
【魔物獵人】港男網上賣遊戲隨時搞出人命。

【魔物獵人】爭個隊友就可以出發

最近本地Facebook專頁入面有位港男表示手頭上多咗隻《魔物獵人:崛起(MHR)》希望轉售,佢嘅留言係咁:「將廣交收 anytime 老婆買左隻比我,女朋友又送多左一隻 已開 $460 有曲 快交收優先」,網民初時都以為佢只係想「曬命」,原本普通不過嘅賣《魔物獵人:崛起(MHR)》game帖文,但越諗越唔對路,皆因樓主句:「老婆送,女朋友又買多咗一隻」引來網民熱議,笑指樓主膽大包天,「簡直用生命硬接去交收」,網民亦指樓主放《魔物獵人:崛起(MHR)》game事小,曬命事大,大曬自己享緊「齊人之福」,甚至大讚他是「人生勝利組」、「差多個就可以4個人一齊打啦」、「樓主係香港男神」等。

【魔物獵人】網友擔心樓上畀老婆捉到正之後嘅情況。
【魔物獵人】網友擔心樓上畀老婆捉到正之後嘅情況。

【魔物獵人】齊人之福唔易享!港男網上賣遊戲隨時搞出人命 爭個隊友就可以出發 重恐怖過打雙怨(婦)龍

【魔物獵人】唔少人打到瞓都無乜點瞓,返工變到咁嘅樣。

【魔物獵人】齊人之福唔易享!

亦有網友擔心樓主發文後會有「生命危險」、「會唔會搞出人命」?強烈要求佢要「報平安」,亦有網友質疑點解有兩隻《魔物獵人:崛起(MHR)》遊戲,重要賣已經開封嗰一隻《魔物獵人:崛起(MHR)》,有網上柯南就預測:「猜測係兩隻都俾人命令即場拆開」,亦有人抽水指:「老婆睇唔到佢個post?」、「講緊左右手畀錢買多咗隻?」,最後勸大家一句:「曬命隨時搞出人命,做人都係低調啲好」。

【魔物獵人】所以話做人都係低調啲好,唔係隨時會出事。
【魔物獵人】所以話做人都係低調啲好,唔係隨時會出事。

YOU MAY ALSO LIKE ...