混合PSP同Switch「最強機體」? 騰訊新遊戲機漏咗最重要部份

混合PSP同Switch「最強機體」? 騰訊新遊戲機漏咗最重要部份

大家都期待緊新Switch幾時出,近日就出現咗部新遊戲機,望落重以為係新Switch,但望真啲又幾似PSP,呢部集百家之長嘅遊戲主機原來係由騰訊推出嘅,呢項專利已經獲得授權添!望落好似幾勁,但呢部機漏咗機迷最強要嘅幾個重點令到機迷們都唔多睇好,到底係漏咗咩呢?

撰文:odin | 圖片來源:騰訊

【騰訊】混合PSP同Switch「最強機體」?

大部份機迷見到騰訊呢部機,第一眼都覺得似Switch,但眼利嘅網民已經見到部機左面有個「Windows」按鈕,雖然未知個掣有咩用途,但喺機身背部印有「PC Console」字樣,相信騰訊呢部機主要都係行「Windows」,遊戲預計都會採用電腦遊戲為主,部機亦都會係一個「PC控制器」。騰訊科技更公開咗呢項「遊戲機」專利,產品說明度指出專利將用於「遊戲娛樂」,而目前騰訊呢項專利已經被授權為有效,依照目前現有資訊作猜測的話,騰訊呢部機極有可能係部擁有掌機外型但係跑Windows系統嘅機器,咁咪同塊平板差無幾?又有傳係個連接電腦當作遊戲手制咁用,後續真相如何只能等騰訊官方公布。

【騰訊】混合PSP同Switch「最強機體」?
【騰訊】混合PSP同Switch「最強機體」?
【騰訊】混合PSP同Switch「最強機體」?
【騰訊】混合PSP同Switch「最強機體」?

【騰訊】騰訊新遊戲機漏咗最重要部份

遊戲機市場越來越大競爭,不但有「PS5」、「Xbox」以及「Nintendo Switch」等,喺大家重期待緊新Switch幾時出嘅時候,盛傳騰訊亦都想分返杯羹,騰訊科技近日公開咗呢項「遊戲機」專利,望落重以為係新Switch,但望真啲又幾似PSP,產品說明度指出專利將用於「遊戲娛樂」,而目前騰訊呢項專利已經被授權為有效,圖中嘅設計同「Nintendo Switch」極之相似,中間同樣都係設有一個大螢幕,並左右兩邊配搭遊戲手掣,不過設計同「Nintendo Switch Lite」有啲相似,但值得留意嘅係手掣並無得拆,同部機係連為一體,咁咪即係一塊有手掣嘅平板?機迷就唔多睇好,相信要等官方發布更多相關資料啦!

【騰訊】掣並無得拆。
【騰訊】掣並無得拆。

【騰訊】產品說明度指出專利將用於「遊戲娛樂」。
【騰訊】產品說明度指出專利將用於「遊戲娛樂」。

YOU MAY ALSO LIKE ...