Riot專訪:香港澳門幾時有得玩? Apple x LOLM 英雄聯盟傳媒發布會搶先睇

Riot專訪:香港澳門幾時有得玩? Apple x LOLM 英雄聯盟傳媒發布會搶先睇

早前Apple x Riot Game就搞咗個網上傳媒發布會,入面除咗提及Apple iPhone 12同Riot Game手遊作品《英雄聯盟:激鬥峽谷》之外,Riot Games嘅Michael Chow重即場拎咗部iPhone 12 Pro Max嚟試玩《英雄聯盟:激鬥峽谷》,訪問內容重提及到玩家最想知道嘅香港及澳門專服未來嘅安排。

撰文:odin | 圖片:網上圖片

【英雄聯盟:激鬥峽谷】Apple x LOLM 英雄聯盟傳媒發布會搶先睇
《英雄聯盟:激鬥峽谷》手機版早於多個伺服器推出,唯獨港澳等地仍未開放,而家要玩《英雄聯盟:激鬥峽谷》都要連VPN或者去其他地區嘅App Store度下載,未能直接遊玩《英雄聯盟:激鬥峽谷》始終都唔夠爽,好多玩家都好期待住有香港及澳門《英雄聯盟:激鬥峽谷》專服,或者可以直接喺香港嘅App Store就可以直接下載《英雄聯盟:激鬥峽谷》。今次Apple x Riot Game網上傳媒發布會入面,Riot Games遊戲總監Michael Chow就暗示畀香港玩家知,呢一日好快就會嚟到!

【英雄聯盟:激鬥峽谷】發布會展示iPhone 12 Pro Max加上5G下遊戲擁有上佳體驗。
【英雄聯盟:激鬥峽谷】發布會展示iPhone 12 Pro Max加上5G下遊戲擁有上佳體驗。
【英雄聯盟:激鬥峽谷】亦透露咗部份遊戲未來動向。
【英雄聯盟:激鬥峽谷】亦透露咗部份遊戲未來動向。

【英雄聯盟:激鬥峽谷】Riot專訪:香港澳門幾時有得玩?
Riot Games《英雄聯盟:激鬥峽谷》遊戲總監Michael Chow喺發布會當日就示範用iPhone 12 Pro Max進行遊戲,更大讚喺5G連線底下極之順暢,可以喺穩定低延遲嘅環境下進行《英雄聯盟:激鬥峽谷》,從而享受最良好嘅遊戲體驗咁話,至於大家關心嘅《英雄聯盟:激鬥峽谷》香港伺服器當然係大家最關心嘅地方,Michael Chow亦都直言話想喺良好嘅質素下推出港服,亦表示香港係安排伺服器嘅上佳位置,並再三強調希望玩家可以使用當地伺服器去體驗最佳嘅遊戲,相信香港嘅《英雄聯盟:激鬥峽谷》機迷唔使等幾耐,港服就會正式推出。

【英雄聯盟:激鬥峽谷】大Mon加持下出招都易啲中。
【英雄聯盟:激鬥峽谷】大Mon加持下出招都易啲中。
【英雄聯盟:激鬥峽谷】新英雄逐一登場,令人相當期待。
【英雄聯盟:激鬥峽谷】新英雄逐一登場,令人相當期待。

YOU MAY ALSO LIKE ...