荃錦公路100%神還原 賽車遊戲Assetto Corsa推「大帽山賽道」實景

荃錦公路100%神還原 賽車遊戲Assetto Corsa推「大帽山賽道」實景

由意大利遊戲開發商KUNOS Simulazioni開發,PC版賽車遊戲《Assetto Corsa》雖然已經推出咗一段時間,但近日佢哋又有新搞作,就係推出咗全新嘅香港「大帽山賽道」,賽道以大帽山實景進行,將荃錦公路100%神還原,玩家可以透過遊戲畫面,就好似喺香港合法鬥下車一樣,完美地享受呢種極速快感。

撰文:odin | 圖片來源:網上圖片

【Assetto Corsa】荃錦公路100%神還原

有份製作《Assetto Corsa》呢條賽道嘅團隊Plutonization指出,希望藉此推動電競賽車運動發展,至於製作呢條《Assetto Corsa》大帽山賽道所花嘅時間,由實地考察到繪圖、調整等,總共用咗接近半年完成。《Assetto Corsa》自由度極高,玩家可以依照個人喜好去修改功能,例如《Assetto Corsa》原廠遊戲引擎入面冇嘅功能(例如夜晚、雨天以及四季天氣等)都可以透過模組實現,加上《Assetto Corsa》擁有大量嘅玩家,兼具各類型嘅《Assetto Corsa》賽事(例如:GT、房車、方程式以及甩尾等),唔少社群主辦嘅《Assetto Corsa》線上聯賽可供參與。《Assetto Corsa》亦設有唔少輔助系統嚟協助新手玩家,即使冇軑盤單靠手掣都能夠輕鬆體驗到攻略彎道嘅樂趣。

荃錦公路100%神還原 賽車遊戲Assetto Corsa推「大帽山賽道」實景

【Assetto Corsa】荃錦公路100%神還原
【Assetto Corsa】荃錦公路100%神還原

 

【Assetto Corsa】賽車遊戲推「大帽山賽道」實景

由意大利遊戲開發商KUNOS Simulazioni開發嘅《Assetto Corsa》,係一款專為電腦平台發行嘅賽車遊戲,佢哋曾經開發過《netKar PRO》以及《法拉利虛擬學院(Ferrari Virtual Academy)》等模擬軟件,KUNOS Simulazioni為求更高嘅賽道復原度,將《Assetto Corsa》每一條收錄到遊戲嘅賽道,都會事先進行激光掃描,再利用電腦進行加工以及修改。《Assetto Corsa》亦有效地利用DirectX 11技術、HDR以及曲面細分功能等,亦允許玩家自行製作車輛、賽道模組、畫面HUD、插件、賽車塗裝等部份,來滿足專業嘅遊戲玩家,《Assetto Corsa》亦都收錄咗大量有名賽道、賽車、歷史悠久或具代表性嘅汽車,務求帶俾玩家一個更好嘅賽車體驗。

荃錦公路100%神還原 賽車遊戲Assetto Corsa推「大帽山賽道」實景

荃錦公路100%神還原 賽車遊戲Assetto Corsa推「大帽山賽道」實景

而香港本地年輕賽車手Pluto 和Jason 領導的年輕賽車及電競團隊Plutonization,獲得Shell鼎力支持以大帽山為賽道背景,創作超真實模擬賽車電競比賽。經過多次實地考察,記錄沿路環境、地貌及每個細節,製作團隊隨即參照真實路面情況進行繪圖。製作先由路面開始,把高低起伏細緻記錄並完美呈現。及後開始製作地形以及道路兩旁建築,封測後再進行各種細節調整,共歷時半年時間完成首條由香港製造的賽車模擬賽道。

荃錦公路100%神還原 賽車遊戲Assetto Corsa推「大帽山賽道」實景
大帽山虛擬山路賽道已上載至著名賽車競賽遊戲《Assetto Corsa》,由2月14日零時零分起,玩家只需到創作團隊網站參照說明下載相關賽道,便可於《Assetto Corsa》遊戲內免費一試實境模擬賽車的緊張刺激。

荃錦公路100%神還原 賽車遊戲Assetto Corsa推「大帽山賽道」實景
另外,Shell 現正向一眾車迷及頂級賽車手下戰書,看誰能成為山路車神!由2月14日至3月6日,玩家可於《Assetto Corsa》線上伺服器參與「Shell 虛擬山路競速大賽2021」選拔賽。遊戲期間玩家會以指定的賽車作賽,選拔期間玩家可以無限次挑戰,並會以最快速度完成山道的成績作為計算進入決賽的資格。有興趣參賽的玩家需於先上網頁填寫報名表格,以完成參賽登記。排名最高的16位玩家會入選3月14日的決賽,並以一對一形式進行淘汰賽,於擬真大帽山賽道上成為冠、亞、季軍的挑戰者均可獲得Shell V-Power 油券以及 Lenovo 電競專用電腦產品,目前測試虛擬賽道的最高速度記錄為每小時150公里!

YOU MAY ALSO LIKE ...