《英雄聯盟:激鬥峽谷》香港新手教學!5步快速上手手遊版LOL玩法機制 !

《英雄聯盟:激鬥峽谷》香港新手教學!5步快速上手手遊版LOL玩法機制 !

《英雄聯盟:激鬥峽谷》推出咗都幾日,不過唔少新入坑嘅玩家有幾點都未必明白,到底手遊版LOL玩法機制係點?睇完呢5大步驟,就算你係新手玩家都能快速上手。

撰文:Odin |圖片來源:官方網頁 |編輯:海月

《英雄聯盟:激鬥峽谷》香港新手教學!5步快速上手手遊版LOL玩法機制 !

《英雄聯盟:激鬥峽谷》香港新手教學 1.位置倒轉小龍巴龍位置你要知

《英雄聯盟:激鬥峽谷》係採取中心對稱的地圖,地圖是一個正方形,左上到右下畫一條斜線,即為河道;而地圖是由河道劃分為二,右上為紅方,左下為藍方,由於所有掣都係畫面下方,嚴重影響視野,所以視角會以180度旋轉,即係紅方玩家整個地圖角度都會左右切換,呢點同電腦有極大分別,好多玩家因為咁成日想食小龍變咗跑去巴龍池。

《英雄聯盟:激鬥峽谷》玩法機制教學 5大步驟學完新手玩家都能快速上手!

位置倒轉小龍巴龍位置你要知
位置倒轉小龍巴龍位置你要知

《英雄聯盟:激鬥峽谷》香港新手教學 2.小地圖移動節省時間

利用《英雄聯盟:激鬥峽谷》小地圖可以縮短點擊位置移動嘅時間,特別係返溫泉出嚟嗰下一定用到,但對線時細微抖動、走位或拉打等就無辦法用小地圖進行,都係要習慣用手指一下一下撳嚟操作。

小地圖移動節省時間
小地圖移動節省時間

《英雄聯盟:激鬥峽谷》香港新手教學 3.點擊英雄拉打等快捷鍵

《英雄聯盟:激鬥峽谷》手遊版要拉打變得異常困難,但好在手遊版有個快捷鍵畀你輕鬆點擊所需英雄,喺地圖右下方就可以揀選你想重點攻擊嘅英雄,利用「頭像鎖定」就可以輕鬆解決。

點擊英雄拉打等快捷鍵
點擊英雄拉打等快捷鍵

《英雄聯盟:激鬥峽谷》香港新手教學 4.輕鬆調整視角畫面

今次《英雄聯盟:激鬥峽谷》視點好重要,遊戲設定基本上都係固定視角,如果想自行調校就要開啟「半鎖定視角」,一啲超遠距離嘅技能成日需要用到。

輕鬆調整視角畫面
輕鬆調整視角畫面

《英雄聯盟:激鬥峽谷》香港新手教學 5.手遊meta大不同

同電腦版《英雄聯盟》前排大改版有所唔同,手遊版《英雄聯盟:激鬥峽谷》入面有佢獨有一套meta角色,暫時強弱比例係:刺客=射手>鬥士>法師>輔助與坦克,由於手遊版地圖變細但技能距離無點縮到,所以輸出空間比電腦版大好多,刺客可以輕鬆輸出完一套然後退場,射手輸出空間亦比電腦版更大,至於坦克方面由於裝備數值(坦度)唔夠電腦版勁,純坦裝頂得唔耐,加上輔助喺《英雄聯盟:激鬥峽谷》裡面較弱勢,由於輸出位裝備成型快,輔助落單好易返溫泉,建議到中期乖乖跟好大隊。

《英雄聯盟:激鬥峽谷》香港新手教學!5步快速上手手遊版LOL玩法機制 !

YOU MAY ALSO LIKE ...