《英雄聯盟:激鬥峽谷》英雄新角技能搶先睇 LOLM提摩位移超OP!

《英雄聯盟:激鬥峽谷》英雄新角技能搶先睇 LOLM提摩位移超OP!

由台灣大哥大代理Riot Games開發嘅手機遊戲新作《英雄聯盟:激鬥峽谷》(iOS/Android)「約德爾征途」活動已經開跑,繼「露璐」同「凱能」之後重有唔少電腦版英雄會加入,加埋嚟緊嘅ARAM,真係好值得期待!而今次就為大家介紹一下LOLM新角技能。

撰文:odin | 圖片來源:官方網頁

英雄聯盟:激鬥峽谷》新角技能搶先睇

「約德爾征途」活動已經展開!「約德爾征途」活動已經展開!

超OP新英雄

唔少網友已經搶先體驗過《英雄聯盟:激鬥峽谷》兩隻新英雄「露璐」同「凱能」都話超OP,特別係手速快嘅可以用露璐一直走A,本身擁有加速及變身等自保能力嘅佢,配合呢個玩法真係相當屈機。故此唔少網友都好期待嚟緊幾隻角色有咩變化,特別係知道「提摩」擁有位移新技能之後更滿心期待佢嘅走A能力,認為佢係一線上路線霸咁話,至於《英雄聯盟:激鬥峽谷》另外兩位「崔絲塔娜」同「庫奇」就無乜大變化,但係就為中下路帶來更多選擇,畢竟兩位都擁有位移自保能力,操作起嚟容錯率都比較大。

重有3名約德爾成員緊接登場!
重有3名約德爾成員緊接登場!

 

「卡特蓮娜」「拉姆斯」大絕迎來大改動

至於預測今年推出喺《英雄聯盟:激鬥峽谷》嘅「卡特蓮娜」同埋「拉姆斯」兩招大絕都有大幅增強,「卡特蓮娜」最為人擔心嘅就係佢施放大絕時會被擊飛中斷,而且施放之後就唔可以郁降低唔少用途,但手遊版就唔使再擔心呢個問題,因為喺《英雄聯盟:激鬥峽谷》入面,佢施放大絕時終於可以郁啦!至於「拉姆斯」喺《英雄聯盟:激鬥峽谷》入面出新大絕「激升猛擊」時,重可以向目標嚟個大跳躍,落地時放出震動波,至於範圍大細因應跑速而定,但至少唔使下下尾隨齋衝咁辛苦!而蒙多醫生最後都有出過下場,睇嚟佢喺《英雄聯盟:激鬥峽谷》有咩改動亦深受玩家注意。

卡特大招變成蓋倫2.0。
卡特大招變成蓋倫2.0。
烏龜大招附加跳躍位移功能,實用度大增。
烏龜大招附加跳躍位移功能,實用度大增。

 

隨機單中及新春活動即將展開

隨機單中模式喺電腦版《英雄聯盟》入面深受休閒玩家喜愛,但《英雄聯盟:激鬥峽谷》推出至今一直都未有相關更新資料,令唔少網民大嗌:「還我ARAM」,至於呢方面嘅訴求官方已經收到啦!嚟緊喺《英雄聯盟:激鬥峽谷》入面將會推出手機版隨機單中(ARAM)模式,各位單中菁英玩家又係時候入坑啦!至於正式積分賽季即將展開之餘,道具及有關裝備調整都係官方接下來嘅任務,官方重話嚟緊2月《英雄聯盟:激鬥峽谷》重會舉辦「新春喜獸活動」咁話。

ARAM菁英們係時候出發。
ARAM菁英們係時候出發。
新賽季大家一齊從「銀牌」出發。
新賽季大家一齊從「銀牌」出發。
關鍵詞
lolm手遊

YOU MAY ALSO LIKE ...