遊戲

盤點十大爆紅又迅間即逝小遊戲 網民:原來以前都幾無聊!

遊戲

廣告

相信唔同時期都有唔少爆紅的小遊戲紅遍全港,不過唔係款款都可以持續爆紅,好多都只係紅過一排就極快被其他遊戲取代,甚至無人記得。近日就有網民於討論區發起一個討論叫「一人一樣短暫爆紅然後極速消失既嘢」一文盤點十款曾經爆紅又迅間即逝的遊戲,有幾多款你有玩過?!

「Wordle」拼字遊戲

曾紅遍全球的拼字遊戲「Wordle」,由一位美國工程師Josh Wardle創辦,當時佢係因為女朋友好鍾意玩《The New York Times》上的填字遊戲而為女朋友打造咗呢款拼字遊戲。「Wordle」一推出時,因玩法簡單,極快風靡世界各地,每日喺IG都會見到唔少人出post用咗幾多格完成當日的單字,又或者同朋友一齊研究當日出咩字。不過呢個潮流喺香港好快玩完,而家基本上都再無見到相關討論!

遊戲
(圖片來源:wordle截圖)

Google form 達人挑戰

早前突然有網民整咗一份google form叫「香港地理達人挑戰」,隨即於網上瘋狂流傳,其後仲有「流行音樂達人」、「飲食達人」、「歷史達人」、「電影達人」等,人人齊挑戰,仲喺社交平台鬥高分!不過說時遲,那時快,迅間就玩完,熱潮簡單消失得無影無蹤!

遊戲
(圖片來源:香港地理達人挑戰google form截圖)

《Pokémon GO》

2016年一款寵物小精靈遊戲《Pokémon GO》,一推出即熱爆全港,個個都拎住部手機喺街捉小精靈,做訓練員,雖然而家仲有人玩緊,不過討論度比起一開始真係減弱不少。

遊戲
(圖片來源:《Pokémon GO》遊戲影片截圖)
遊戲 台灣有名的「寶可夢伯伯」玩《Pokémon GO》玩到拎64部手機出街捉小精靈,成為眾人皆知的熱話!
台灣有名的「寶可夢伯伯」玩《Pokémon GO》玩到拎64部手機出街捉小精靈,成為眾人皆知的熱話!(圖片來源:lihkg討論區截圖)

「旅行青蛙」

2018年推出的一款手機遊戲《旅行青蛙》,當時又係風靡全港!《旅行青蛙》玩法簡單,只係俾嘢小青蛙,然後佢就會去旅行影唔同相返嚟,收集佢去唔同地方的照片。

遊戲
(圖片來源:《旅行青蛙》遊戲截圖)

《Flappy Bird》

突然爆紅的《Flappy Bird》,簡單的設計以及玩法,被譽為手機遊戲奇蹟。《Flappy Bird》2013年5月上架,半年多後意外爆紅,不過全因開發者 Dong Nguyen一句「受不了」就突然於2014年頭就下架了,爆紅時間相當短暫,期後ig亦有推出過!

遊戲
(圖片來源:《Flappy Bird》遊戲截圖)

《菇菇栽培研究室》

已經出咗10年的種菇遊戲《菇菇栽培研究室》又係紅極一時,後來仲推出唔少版本。

遊戲
(圖片來源:《元祖菇菇栽培研究室》遊戲截圖)

「水果忍者」(Fruit Ninja)

水果忍者可謂iphone遊戲始祖,相信唔少果迷啱入手iphone時都有下載過呢款遊戲!遊戲又係非常簡單,只係於限時之內用手指切開水果。

遊戲
(圖片來源:《Fruit Ninja》遊戲截圖)

Draw something

《Draw something》就等於現時常玩的猜猜畫畫,玩家需要與朋友一齊連線玩,一個做估,一個做畫,當時網民都表示因此學多咗唔少英文生字!《Draw something》一推出幾個月就已經累積咗 3,500 萬的下載次數!

遊戲
(圖片來源:《Draw something》遊戲截圖)

《SimSimi》「小學雞」

《SimSimi》又稱「小黃雞」、「小學雞」的經典遊戲,2002年時推出,玩家可與與ai「simsimi」進行對話,「simsimi」仲有學習能力,可以發出學習訊息,「simsimi」就會因應問題答出相對應的答案,當時唔少網民仲會借以諷刺時弊以及示愛等。

遊戲
(圖片來源:simsimi遊戲截圖)

My Talking Tom

《My Talking Tom》又係一款iphone遊戲始祖,佢係一款寵物遊戲,可要求寵物貓Tom複述自己的說話及觸摸他。

遊戲
(圖片來源:《talking tom》遊戲截圖)

常見問題

有沒有switch遊戲推薦?

作為現時最具人氣的遊戲主機之一的Switch,遊戲種類非常多,必玩最新14款Switch遊戲推薦2022。想一邊打機一邊做運動減肥?這8款Switch健身遊戲絕對令你玩到爆汗,有日本媽媽玩Ring Fit 9個月激減44磅!想慳錢又想玩game,即睇20隻Switch 免費遊戲推薦,總有一款適合大家!

有手遊或者線上遊戲推薦嗎?

以前Online Game都還沒普及,線上小遊戲確為不少90後提供了很多娛樂,當中12個線上經典小遊戲你一定有玩過。《金庸群俠傳》絕對是DOS經典遊戲之一,「在線DOS遊戲」的網站裡面有合共1898款DOS遊戲,無需安裝任何程式!手遊方面,這三款手遊推薦必不可錯過!

圖片來源:《talking tom》遊戲截圖、《Draw something》遊戲截圖、《Fruit Ninja》遊戲截圖、wordle截圖、香港地理達人挑戰google form截圖、《Pokémon GO》遊戲影片截圖、lihkg討論區截圖、《旅行青蛙》遊戲截圖、Flappy Bird》遊戲截圖、《元祖菇菇栽培研究室》遊戲截圖、simsimi遊戲截圖

YOU MAY ALSO LIKE ...