一文睇清《生化危機 8》發布會懶人包 5月7日推出 PS5率先推出體驗版
今朝(1月22日)CAPCOM直播節目「Resident Evil Showcase」入面析出更多關於《生化危機 8》遊戲嘅最新資料，最爆當然就係公布5月7日為遊戲正式推出日期，以及包含PS4及Xbox one版本等資料，以及PS5獨佔《生化危機 8》體驗版即日提供下載試玩！
撰文：odin ｜ 圖片來源：官方影片
《生化危機 8》一文睇清CAPCOM發布會
今朝CAPCOM直播節目「Resident Evil Showcase」裡面析出更多《生化危機 8》遊戲嘅最新資料，遊戲將於5月7日同步於PS5、PS4、Xbox Series X/S、Xbox one、PC平台推出。同時推出PS5獨佔《生化危機 8》體驗版即日提供下載試玩以及《生化危機》線上模式將取名為《Resident Evil：VERSE》。今集《生化危機 8：村莊》將會延續上集《生化危機 7：生化危機》故事，續用上集主角伊森．溫特斯為主角，講返上集完結事隔數年後，伊森已經回復正常生活，點知有日克里斯．雷德菲爾出現打破美好一切，主角再次陷入恐佈惡夢輪迴當中。
《生化危機 8》重點懶人包
《生化危機 8》發售日期為2021年5月7日。
多平台推出包括：PS5、PS4、Xbox Series X/S、Xbox one、PC。
PS5獨佔《生化危機 8》體驗版即日(1月22日)推出。
其他平台將於今年春季時段推出。
PS及Xbox將推出《生化危機 7》及《生化危機 8》合集。
《生化危機 8》體驗版率先玩
喺今日率先推出嘅《生化危機 8(女僕Maiden)》體驗版入面編輯奧丁率先試玩過，除咗可以體驗到今集恐佈氣氛之餘，亦深深感受到PS5主機超高畫質帶嚟嘅恐佈全新體驗，加上體驗版中只能單靠逃走及閃避，玩家無法以任何武器還擊，令恐佈感更加昇溫，成功避過重重危機逃出地牢即可完成體驗版整個任務。
關鍵詞
PS5
