《我的英雄學院:最強英雄》手遊iOS、Android正式推出!首抽刷咩好?點抽先最化算? 新手必識攻略

《我的英雄學院:最強英雄》手遊iOS、Android正式推出!首抽刷咩好?點抽先最化算? 新手必識攻略

《我的英雄學院:最強英雄》呢款全新嘅3D手遊正式雙平台( iOS / Android )展開,S級英雄咁勁揪係咪又要無限創號刷首抽?點抽先係最簡單又化算?

撰文:Odin |圖片來源:官方網站 |

《我的英雄學院:最強英雄》手遊iOS、Android正式推出!首抽刷咩好?點抽先最化算? 新手必識攻略

正版授權 《我的英雄學院:最強英雄》全新 3D 遊戲畫面還原動畫世界 正式雙平台展開

《我的英雄學院:最強英雄》全新 3D 遊戲畫面還原動畫世界 首抽刷咩好?點抽先最化算?

刷首抽必學及推薦角色

由於今集S級角色只有4隻而且中獎機率相當底只有0.6%,好在角色唔算太多加上可以當抽碎片作其他角色提昇等級之用,所以唔太建議大家採用無限創號刷首抽呢個行為,至於點樣先係最化算咁刷首抽呢?就係善用系統每60抽必中S級英雄呢款保底機制,利用每天登錄獎勵以及見習福利送嘅藍券,儲齊8日份量就足夠免費抽60次之多,咁就保底至少有一隻S級英雄啦!而且招募會有限時指定S級英雄活動,有愛嘅玩家就可以All in喺呢部份直接抽心儀嘅英雄。至於四名S級英雄包括有轟焦凍、爆豪勝己、八百萬八以及常闇踏陰,至於網絡強度排名就係常闇踏陰>轟焦凍>爆豪勝己>八百萬八。

由於機率唔高,創號刷首抽未必最化算
由於機率唔高,創號刷首抽未必最化算

3對3車輪戰競技場爽夾快

《我的英雄學院:最強英雄》競技場模式入面,玩家將會各選三名英雄進行3對3車輪戰,戰鬥期間可以自由切換唔同英雄,並專注喺英雄嘅重擊、破防、防禦及閃避方面,利用英雄個性技能,例如:「One For All」、「爆破」、「半凍半燃」、「無重力」等,並自訂進行連招將對手一一擊倒取得勝利。玩家重可以喺「超常協力戰」賺取積分去兌換英雄唔同嘅裝扮,例如「綠谷體操服」甚至天賦因子道具等重要物件。

各自選出心儀英雄展開激鬥
各自選出心儀英雄展開激鬥
運用你手上技能自創連招擊倒對方
運用你手上技能自創連招擊倒對方

3D開放大地圖經典畫面重現

遊戲將會採用3D開放大地圖,玩家可以自由探索英雄世界,一幕幕《我的英雄學院:最強英雄》經典場面將會重現玩家眼前,重會有豐富嘅支線任務以及緊急事件等,畀玩家體驗一下英雄日常遇到嘅大小事情。而家登入遊戲每日都可以獲得免費5抽,以及「英雄合約書」、「經費」以及「強化合劑」等遊戲資源,完成8日登入任務重有機會獲得免費40連抽,從而獲取你心儀嘅英雄添。

經典場面將會一一重現
經典場面將會一一重現

YOU MAY ALSO LIKE ...