《Re:從零開始的異世界生活 虛假的王選候補(Re:ZERO)》火熱登場 每個選擇都成為遊戲轉捩點

《Re:從零開始的異世界生活 虛假的王選候補(Re:ZERO)》火熱登場 每個選擇都成為遊戲轉捩點

疫情問題大家留喺屋企時間都多咗,近排大作又唔多,《芒亨》都重要等一段時間,有咩遊戲打發下時間好呢?今次同大家介紹呢款《Re:從零開始的異世界生活 虛假的王選候補》話唔定適合大家口味,呢款已經推出喺PS4、Switch及PC三平台推出嘅冒險戰略遊戲新作,係改編自著名輕小說《Re:從零開始的異世界生活(Re: ゼロから始める異世界生活)(簡稱:Re:ZERO)》,並且以第一季電視動畫後半段描寫嘅「王選篇」為基礎撰寫原創故事,讓玩家們可以喺原作氣氛裡面盡情享受。

撰文:odin | 圖片來源:網上圖片

《Re:從零開始的異世界生活 虛假的王選候補(Re:ZERO)》火熱登場

《Re:ZERO》故事講述昴喺異世界生活咗大約一個月之後,使者突然造訪告知王選延期,但理由不明,因為下屆國王人選呢個活動延期昴一行人決定踏上旅程,前往好耐冇去過嘅王都進行調查,並且喺嗰度得知了第六位王國候補人選係邊位,但根據龍歷石記載國王候補人選只係得五個人,而家出現咗六個人,即係其中一位就係冒牌貨,你喺《Re:ZERO》入面嘅其中一個任務就係搵佢出嚟。《Re:ZERO》剛開始會先畀大家了解主角菜月昴所具備嘅特殊能力「死亡回歸」,有一日昂被召喚到異世界露格尼卡王國,並受到一位半妖精少女幫助後一齊行動,及後一齊遭到殺害,使用死亡回歸能力之後,你就可以將少女從死亡命運中救出,然後被招待到少女愛蜜莉雅所居住嘅邊境伯爵羅茲瓦爾宅邸裡面,以宅邸傭人嘅身分工作開始進行《Re:ZERO》。

靠機智及特殊能力去尋找答案。
靠機智及特殊能力去尋找答案。
人氣角色亦都逐一登場。
人氣角色亦都逐一登場。
每一個選擇都會影響結局。
每一個選擇都會影響結局。

每個選擇都成為遊戲轉捩點

《Re:ZERO》遊戲過程裡面玩家可以係冒險場景透過對話、調查嚟獲得情報,而呢啲情報往往能夠成為探索事件嘅重要關鍵,並洗刷愛蜜莉雅被懷疑係冒牌繼承者嘅嫌疑,玩家需要隨住故事進行對話,並且需要操控3D角色喺地圖度移動並收集情報,《Re:ZERO》故事發展會隨住收集到嘅情報以及你從事件中嘅選擇而產生變化(蝴蝶效應),並且從遊戲中出現「轉捩點」,當「轉捩點」出現嘅時候,玩家可以進入「作戰會議」然後挑戰所出現嘅「轉捩點任務」。曾經出現或選擇過嘅劇情內容,玩家都可以喺「流程圖」入面睇返,從而得知唔同選擇會出現咩情況,係一款考驗玩家分析能力嘅遊戲,即使你從未接觸《Re:ZERO》呢套動畫或輕小說,都可以從遊戲入面深深感受到吸引之處,話唔定重會因為咁追埋《Re:ZERO》一份添。

收集物資當然唔少得。
收集物資當然唔少得。
處理每個任務都要相當小心。
處理每個任務都要相當小心。
你嘅每個選擇都會影響故事未來發展。
你嘅每個選擇都會影響故事未來發展。

同場加映

一文睇清《生化危機 8》發布會懶人包 5月7日推出 PS5率先推出體驗版

關鍵詞
PS4SwitchPC

YOU MAY ALSO LIKE ...