【原神】以為係韓國抄中國添 大陸手遊反抄原神抄到足 網民:自己人抄自己

【原神】以為係韓國抄中國添 大陸手遊反抄原神抄到足 網民:自己人抄自己

原神》自推出過後帶來評價好壞參半,有人話好玩有人話抄襲某隻遊戲,唔少人話似薩爾達,又有人話擔心個資問題,近日一款「韓國」手遊《夢幻島傳說(The legend of neverland) 》正式推出,但這款遊戲被指抄襲《原神》,重有幾個位似到十足十,大家又點睇?

撰文:Odin |圖片來源:遊戲截圖、官方圖片|編輯:Easy、odin

【原神】韓國遊戲疑似抄襲原神 呢3點抄到足

「冒險」、「開放世界」及「MMORPG」都是遊戲常見要素,《原神》在上市前就曾經因為貌似《薩爾達傳說:曠野之息》而引起玩家熱烈討論,今次風水輪流轉在《原神》熱度高漲情況下,居然出現一款介面、美術都似曾相識的作品,呢款遊戲名為iOS、Android 雙平台開啟事前登錄的《夢幻島傳說(The legend of neverland)》,目前正在YouTube進行遊戲宣傳,但就影片中看到遊戲畫面及玩法都同《原神》極度相似,更有網民直呼:「它就是原神」,這款遊戲無論在:「設定」、「人物造型」及「地圖場景」都同《原神》非常相似,就連遊戲名字都採用《原神》同樣字款,抽牌界面排版及風格都係照搬。

 

左為《夢幻島傳說》,右為《原神》。(圖片來源:遊戲截圖)
左為《夢幻島傳說》,右為《原神》。(圖片來源:遊戲截圖)
左為《夢幻島傳說》,右為《原神》。(圖片來源:遊戲截圖)
左為《夢幻島傳說》,右為《原神》。(圖片來源:遊戲截圖)

 

【原神】網民:韓乜國,明明自己人抄自己人

事後有眼利網民成功起底,原來觀察社群反應以及其主要宣傳語言,《夢幻島傳說》雖以中國以外地區為目標客群,不過根據商店頁面,網民發現該遊戲開發商為「GameArk 北京樂游方舟」的一間駐香港公司,而並非韓國那間「GameArk」因而引起熱議,唔少網民更將矛頭指向呢隻「韓國」手遊:「自己人抄自己人」、「中資裝別國去抄別人的抄襲作」、「莫道你在抄襲人 人亦能抄襲你」,而開發商正計劃未來在中國地區推出呢款「韓國」手遊。

【原神】網民:韓乜國,明明自己人抄自己人(圖片來源:討論區截圖)
【原神】網民:韓乜國,明明自己人抄自己人(圖片來源:討論區截圖)
【原神】網民:韓乜國,明明自己人抄自己人(圖片來源:討論區截圖)
【原神】網民:韓乜國,明明自己人抄自己人(圖片來源:討論區截圖)

但無論誰抄襲誰也好,遊戲最終都成功達到宣傳效果,就之前《原神》被指罵抄襲任天堂的《薩爾達》,而今次《夢幻島傳說》卻被指抄襲《原神》,最終自從有玩家指出《夢幻島傳說》抄襲《原神》,呢款遊戲關注度已經成功炒熱,反而令更多無留意呢款遊戲的玩家,因此事感到興趣而接觸。


《原神》 新手入坑、雷點你要知

假如你現在想入坑手遊 《原神》 ,你又有咩地方需要知道? 《原神》 雷點、又知幾多?入咗坑又怕出事嘅你,以下幾點你絕對需要了解一下。

畫風雖美但具備不少遊戲嘅影子
畫風雖美但具備不少遊戲嘅影子(圖片來源:遊戲截圖)

後門及個資問題

繼早前 《原神》 官宣回應遊戲程式曾出現讀取手機剪貼板問題後,而且問題還是出自安全性較高嘅 iOS 系統上,及後玩家更反映無論是關閉 《原神》 後遊戲重係運作緊,就連移除隻 GAME 之後系統依然存在嘅問題,不禁令人擔心手機安全嘅問題,加上遊戲需要綁定帳號,需要連結你的應用程式 (例如FB帳號) ,有玩家表示到官網申請來登入較安全,但依然需要用透過手機認證,是否安全就要由你嚟判斷。

《原神》 官方雖指出問題已解決但玩家依然心存顧慮
《原神》 官方雖指出問題已解決但玩家依然心存顧慮(圖片來源:官方圖片)

無盡刷首抽

此點絕對是網上玩家熱烈討論重點之一,由於首抽需要一定條件,玩家需要進行不少初始任務衝等,加上機率不高,花個時間首抽將會是你無盡嘅地獄 (佛系玩家另計) ,初入坑 《原神》 玩家需要有一定心理準備,畢竟是課金手遊嘛。

運氣唔好初期將會係惡夢
運氣唔好初期將會係惡夢(圖片來源:遊戲截圖)

總結

玩唔玩 《原神》 呢個話題好難講出口,而遊戲具某遊戲影子屬不爭事實,個資問題亦屬近年討論熱話,但其實帳號及電話均可使用唔同嘅方法處理 (例如新帳號) ,相比之下後台問題較嚴重,不過後台偷運作在不少遊戲亦曾出現過 (例如某挖礦電競遊戲程式) ,有玩家提議用較安全的 iOS 系統嚟玩會比較有保障(但其實都出過事),假如手機上連接太多個人資料 (例如銀行戶口) 的話,還是存在一定風險。不管你是否打算入坑 《原神》 ,希望呢幾樣提議都可以幫到你。

YOU MAY ALSO LIKE ...