【Project DT】#厲害了我的國「勁」過原神 國產遊戲《Project DT》集百家之長抄味濃【有片】

【Project DT】#厲害了我的國「勁」過原神 國產遊戲《Project DT》集百家之長抄味濃【有片】

中國近年製作遊戲嘅水平不斷提高,好似近日推出試玩新作片段《Project DT》咁,網民話睇落重「勁」過《原神》,但每個人對個「勁」字嘅睇法並唔一樣,今次呢個「勁」字就暗藏咗《Project DT》隻game真係好靚又好正,不過啲畫面就有啲似曾相識囉,到底有幾勁法?不如一齊嚟《Photo Hunt》一下。

撰文:odin | 圖片來源:YouTube

【Project DT】厲害了我的國「勁」過原神

由中國團隊Digisky開發嘅《Project DT》動作角色扮演遊戲,根據官方介紹遊戲以未來科幻世界為背景,地球因為戰火連連已經受到嚴重破壞,人類只好移居到由AI及機械人管理嘅城市,突然有日機械人同AI同時失控,身穿拳甲嘅女戰士挺身而出,不得不提遊戲特色之一,就係強大嘅中國武術,戰鬥動作招式除咗借鑑詠春部份招式之外,並請到《一代宗師》武術指導鍾波為遊戲武術做設計,今次真係「功夫~兩個字,一橫一直,錯嘅~瞓低囉,企得返喺度嗰個先係啱晒,係咪咁話?」。

【Project DT】就咁睇真係唔輸外國遊戲。
【Project DT】就咁睇真係唔輸外國遊戲。
【Project DT】但入到game就開始怪怪地。
【Project DT】但入到game就開始怪怪地。
【Project DT】乜咁似《Devil May Cry 5》。
【Project DT】乜咁似《Devil May Cry 5》。

【Project DT】國產遊戲《Project DT》集百家之長抄味濃

睇完《Project DT》官方簡介,聽落真係好勁,再望返佢段實玩片,嘩~乜咁似,首先《Project DT》場景移動同戰鬥就極具《NieR:Automata》嘅影子,加上頭目戰激似《Metal Gear Solid V: The Phantom Pain》,除咗介面,甚至連戰鬥連技模式都超似《Devil May Cry 5》,真係集百家之長,喺呢方面《原神》真係比唔上,遊戲重係開發中就引嚟咁大迴響,對Digisky嚟講或者都係件好事都未定。

【Project DT】頭目降臨集氛都幾震撼。
【Project DT】頭目降臨集氛都幾震撼。
【Project DT】同《Metal Gear Solid V: The Phantom Pain》都幾似喎。
【Project DT】同《Metal Gear Solid V: The Phantom Pain》都幾似喎。
【Project DT】到最精彩戰鬥環節。
【Project DT】到最精彩戰鬥環節。

YOU MAY ALSO LIKE ...