【科技控】中國成都推「電競勸退班」 利用高手粉碎青少年「電競夢」

【科技控】中國成都推「電競勸退班」 利用高手粉碎青少年「電競夢」

近年電競發展飛快,加上台港澳及中國接連喺電競獲得世界冠軍,令唔少青少年更渴望成為職業電競選手或者遊戲主播,最近成都一間電競教育機構就搞咗個「電競勸退」班,專門畀一班發緊電競夢嘅青少年認清自己實力,更派出高手嚟場友誼賽作震撼教育,從而希望佢哋會放棄「電競夢」。

撰文:odin | 圖片來源:新傳媒資料庫

中國成都推「電競勸退班」

根據呢間電競機構負責人話,其實佢哋搞呢間嘢本意係想為青少年完夢嘅地方,為佢哋打造咗個專業培訓基地提昇水平,從而輸送更多電競人才入行,可惜之後發現雖然將一班青少年培訓達到電競俱樂部水準,成功踏入電競選手嘅第一步,但由於職業選手水準愈來愈提昇,唔少達標嘅青少年都未能晉身成為職業選手,加上單靠後天訓練而缺乏天賦嘅青少年難以達標,最終輸出人才有9成以上未能達標而夢碎。

唔少青少年都擁有「電競夢」。
唔少青少年都擁有「電競夢」。

 

「電競勸退班」利用高手粉碎青少年「電競夢」

因為呢個原因令機構決定改變運作,變成為期2到3個月嘅「電競勸退」培訓班,用嚟評估報班者嘅水準,從報告分析出佢哋是否適合當一位電競選手,以及佢哋嘅水平達唔達標等,令佢哋以及家長可以提前認清呢個事實,期間甚至會搵嚟各種遊戲高手組隊嚟場友誼賽,用實力差距「打謝」呢班青少年,提前畀佢哋知道電競行業到底有幾咁殘酷,如果冇先天優勢,單靠後天苦練難以喺呢行立足咁話。雖然要求咁嚴格,但依然有唔少家長為孩子鋪路,但現實係殘酷嘅,至少有9成以上最終未能達到職業選手嘅標準而夢碎。

英雄聯盟嘅成功令電競行業加速起飛。
英雄聯盟嘅成功令電競行業加速起飛。
到底「電競夢」可以走得幾遠?
到底「電競夢」可以走得幾遠?

關鍵詞
電競LOL

YOU MAY ALSO LIKE ...