【網購騙案】70位獵人中招被呃20萬元 「芒亨迷」誤墮屠龍預訂騙局 究竟發生咩事?

遊戲

廣告

萬眾期待的《魔物獵人崛起(Monster Hunter Rise)》早幾日終於推出,特別主機套裝亦都係發售當日同步推出,但有唔少心急嘅機迷一早就搵定地方預訂,以為可以「唔洗食太多炒價,重可以如期屠龍」,甚至有部份人豪氣地選擇直接全額預訂,希望可以快人一步搶先拎到機,點知到推出時該網站就藉口多多,將派貨時間再三推遲,甚至要求多付「保證金」,先可以較優先拎到機,事件令多達70人以上受騙,直至早幾日先去警署報案。

撰文:odin | 圖片來源:官方圖片

【網購騙案】「芒亨迷」誤墮屠龍預訂騙局

《魔物獵人(Monster Hunter)》喺香港被稱為「芒亨」,係一款日本著名電子遊戲,2004年推出以嚟一直大受歡迎,以狩獵魔物屠龍為主題,每個系列推出都會吸引到機迷瘋狂搶購,根據本地傳媒報導:「苦主李先生本身係一位芒亨迷,早前見到「任天堂」推出宣傳片指「芒亨」將會喺3月26日發售新遊戲,官方建議零售價為$2,808元已經非常心動,喺2月中見到一個FB專頁名為「Let’s Buy Mimi日漫專賣店」賣廣告,聲稱可以用$3,100元就可以訂購到遊戲連特別版「Switch」主機,重聲稱「到貨日期快過其他舖」,就隨即落單並一併以$600預訂埋特別版手掣,重喺3月頭再支付半數$1,800元。」務求可以盡快取得手頭好。

【網購騙案】「芒亨迷」誤墮屠龍預訂騙局。
【網購騙案】「芒亨迷」誤墮屠龍預訂騙局。

【網購騙案】究竟發生咩事?

直到3月20日即遊戲推出前一星期,李先生收到店主要求需要付清約$1,900尾數,店主初時亦承諾官方發售當日就會有貨,點知到咗發售當日,店主竟然反口指同順豐合作有問題出現包裹被調換,所以轉用另一間速遞公司,但就以「防止送貨員被打劫或性侵」為理由,要求李先生多付$1,500保證金,但遭到李先生拒絕支付,其後網店居然調低保證金至$500,並聲稱可以立即取貨,再度遭到李先生拒絕。

【網購騙案】究竟發生咩事?
【網購騙案】究竟發生咩事?

【網購騙案】70位獵人中招被呃20萬元

李先生覺得事有蹊蹺,於是向網店要求出示成功派貨嘅證據但店方並不理會,其後再追問店方為何要刪除預購遊戲連特別版Switch主機嘅fb貼文,店方回應指「已完售」,而李先生多次聯絡店主都唔成功,最後更遭到店方封鎖,其他苦主受騙過程亦大同小異,都係同涉事網店預訂「芒亨」主機連遊戲套裝並支付半數訂金,及後店主催促付清餘款並以優先取機作利誘,更承諾可以面對面交收,最終苦主們都未能成功取貨懷疑受騙,直至早幾日終於到元朗警署報案,事件中至少有70幾人受騙,約50人已報案,估計損失金額多達20萬元。

【網購騙案】70位獵人中招被呃20萬元。
【網購騙案】70位獵人中招被呃20萬元。

【網購騙案】70位獵人中招被呃20萬元

其實網購騙案都唔係咩新鮮事,任天堂每次推出特別版「Switch」主機都會出現類似騙案,就好似早前動物森友會推出時特別版「Switch」主機連遊戲炒到接近$4,000,當時就有唔少網店聲稱可以預訂,最終吸引近百人訂購,但派貨前同樣索取過千元嘅派貨保證金然後失去蹤影,涉款多達30萬元。根據警方表示案件已列作以欺騙手段取得財產,交由元朗警區刑事調查隊第一隊跟進,暫時未有人被捕,警方數字亦顯示舊年,頭十個月嘅網上騙案多達8,843宗,較2019年嘅5,157宗,增加約71%,升幅顯著主要因為疫情下好多市民選擇留在家中,透過網上或社交平台購物令騙徒有機可乘。

【網購騙案】70位獵人中招被呃20萬元。
【網購騙案】70位獵人中招被呃20萬元。

【網購騙案】70位獵人中招被呃20萬元 「芒亨迷」誤墮屠龍預訂騙局 究竟發生咩事?

【網購騙案】70位獵人中招被呃20萬元 「芒亨迷」誤墮屠龍預訂騙局 究竟發生咩事?

有沒有switch遊戲推薦?

作為現時最具人氣的遊戲主機之一的Switch,遊戲種類非常多,必玩最新14款Switch遊戲推薦2022。想一邊打機一邊做運動減肥?這8款Switch健身遊戲絕對令你玩到爆汗,有日本媽媽玩Ring Fit 9個月激減44磅!想慳錢又想玩game,即睇20隻Switch 免費遊戲推薦,總有一款適合大家!

有手遊或者線上遊戲推薦嗎?

以前Online Game都還沒普及,線上小遊戲確為不少90後提供了很多娛樂,當中12個線上經典小遊戲你一定有玩過。《金庸群俠傳》絕對是DOS經典遊戲之一,「在線DOS遊戲」的網站裡面有合共1898款DOS遊戲,無需安裝任何程式!手遊方面,這三款手遊推薦必不可錯過!