Galaxy S21系列上手率先睇！5大特色Vlogger輕裝拍片好幫手 Samsung4鏡頭機皇、內置Super Steady穩定拍攝
Samsung Galaxy S21系列上手率先睇！5大特色Vlogger輕裝拍片好幫手 4鏡頭機皇、內置Super Steady穩定拍攝
Samsung早前宣布，將喺今日（1月14日）正式發布年度旗艦Galaxy S21系列。Samsung Galaxy S21系列正面外觀，大致上延續上一代設計，同樣為頂部居中穿孔屏幕，並配備最高120Hz刷新率，而機背設計亦只在後置鏡頭模組方面上有所變化，Galaxy S21系列帶來全新的標誌性Contour Cut Camera相機模組設計，將相機無縫融入機體金屬框架中，造型流暢而富有美感。Galaxy S21和S21+採用全新的標誌顏色幻影紫以及多種醒目色彩設計，奢華的啞光機背外殼展現精緻風格。
Samsung Galaxy S21系列
Samsung Galaxy S21（幻影灰、幻影白、幻影紫、幻影粉紅）
Samsung Galaxy S21+（幻影黑、幻影銀、幻影紫）
Samsung Galaxy S21 Ultra（幻影黑、幻影銀）
Galaxy S21嘅6.2吋屏幕適合喜歡輕巧設計的用戶，而Galaxy S21+則配備6.7吋大屏幕和更大的電池容量，適合熱衷於遊戲或瀏覽影片的玩家。
Galaxy S21系列傳承卓越的相機性能，帶來專業級優化及影片創新，無論攝影技術水平高低都能拍攝出完美一刻。記錄寵物的可愛瞬間、朋友相聚時的整蠱玩笑，或是長途旅行路過的精彩風景，都有Galaxy S21或Galaxy S21+從旁協助。用戶只需輕按拍攝，Galaxy S21系列的豐富功能便能夠及時捕捉精彩瞬間。
新Samsung Galaxy S21擁有5G通訊技術，而且機身防塵防水，全系列搭載雙變焦鏡頭系統，並擁有全新夜拍模式。當中Samsung Galaxy S21及Samsung Galaxy S21+皆配置6,400萬畫素長焦鏡頭，而Samsung Galaxy S21 Ultra就更為強勁！
Galaxy S21系列可以配合其他Galaxy裝置及SmartThings Find使用，即使處於離線狀態也可以輕鬆找到其他Galaxy裝置。如果將裝置遺落在其他房間、汽車座位下甚至是其他城市，SmartThings Find都能提供準確的指引。用戶還可以利用全新的Samsung Galaxy SmartTag藍牙定位器，定位沒有網絡連接的裝置。只需將SmartTag附於鑰匙、手袋甚至寵物項圈上，即可利用SmartThings Find快速找到所需物品或寵物。
Samsung Galaxy S21全新機能！5大特色輕鬆拍片無難度！
Director’s view 導演視角！開晒三個鏡頭任你用！
而家已經係手機拍片嘅年代，如果你手頭上有一部勁嘅手機，的確可以好易拍到啲有趣嘅片。Samsung 今次Galaxy S21就有呢個導演視角功能！用咗multi-Camera Standby 功能就可以開晒佢三個鏡頭隨時切換，而佢右手邊就有晒3個Preview俾係睇一路錄緊一路切換鏡頭都得㗎！咁你想影wide啲定影close up都由你話事啦！仲可以慳返唔少剪片時間，同埋要set過啲機去影唔同鏡頭！
極遠變焦 Space Zoom！手殘手震都做到超遠拍攝！？
S21 ultra 仲有一百倍zoom嘅功能，可能你會話zoom到咁遠，會好矇同好手震㗎喎！S21今次就幫你諗埋啦！當你zoom到20倍之後就會開啟zoom lock功能可以手動或自動對準拍攝主體，維持影像穩定，就好似我哋係間房大約影20米遠一個類似波子咁細粒嘅裝飾，都可以清楚見得到！
升級錄影功能：Super Steady 穩定拍攝
用手機拍片，唔洗再用外置Stabilizer？一機搞掂又真係得喎！
講緊就係呢個supersteady 穩定拍攝功能，我哋就試過用佢嚟拍一條差唔多嘅片，用嚟比較下佢個穩定功能，的確見到有明顯分別！開咗呢個穩定模式後，鏡頭就會好smooth咁過，就算邊行邊拍都無問題！
仲有值得一提就係Samsung Galaxy s21系列，仲可以分別用藍牙耳機收人聲嘅音，再用S21主機嚟收環境嘅聲音。相信我！以上講嘅功能，對於拍片嘅人一定有一番新嘅體會！
8K攝錄高清截圖！Cap圖都超清晰！唔怕Miss咗任何精彩畫面
S21嘅主鏡頭可以拍到8K影像，而其他鏡頭都可以拍到4K，如果你用佢拍完8K嘅片，然後喺條片度cap圖，都可以cap到高達3,300百萬像素嘅影像！
S pen 終於降臨 S系列！Galaxy S21 Ultra將支援S Pen
Samsung Galaxy S21 Ultra仲可以配埋S pen同埋個case，但係就要另外買啦。用家之後可以用S Pen用嚟編輯圖片、加插圖或者寫筆記等功能，用開Note系列嘅朋友一定唔會陌生！
超進化！Galaxy Buds Pro智能降噪耳機
唔使除耳機就可以應付每日生活？今次全新推出嘅GalaxyBuds Pro耳機總共有三種顏色，除咗官方話佢嘅降噪功能提升左之外，最特別應該係佢有呢個人話感應功能，即係當你聽聽下歌嘅時候有人同你講嘢，而你又開始講嘢回應，Galaxy Buds Pro聽到你把聲時，就會自動幫你調節音樂聲同環境聲嘅balance，令你可以唔使除耳機嘅情況下都可以同對方溝通到。用家更可以set返當靜止唔講嘢時，維持幾秒就會重新開啟「環境消音」功能，等你可以繼續聽歌！
而Galaxy Buds Pro通話嘅續航力可以維持28小時，支援8小時嘅播放功能，配合埋充電盒更可額外叉多20個鐘。而叉電5分鐘就可以用到一個鐘，另外Galaxy Buds Pro耳機仲可以同時連接多部手機同埋平板電腦，當你返到屋企想連接其他裝置都好方便！
香港預售日期
Galaxy S21 5G系列將於2021年1月15日起在香港預售，並於1月29日公開發售。
