【Samsung懷舊保護殻】網民：當年摺機回憶返晒嚟 玩味濃Anycall懷舊特別版保護殻
Samsung早前喺Galaxy Unpacked 2021新品發布會上面，帶嚟咗Galaxy BudsPro無線降噪耳機產品，其中最受網民註意嘅點就係呢兩款懷舊味十足嘅特別版本保護殻，網上重有唔少靚款保護殻，一齊嚟睇睇！
撰文：odin ｜ 圖片來源：新傳媒資料庫、Amazon
【Samsung懷舊保護殻】Anycall懷舊特別版本
呢兩款夠晒懷舊嘅保護殻據悉係參考返Samsung喺2002年推出嘅SGH-E700手機款，以及Samsung喺2004年推出嘅SGH-T100手機款等，兩款Samsung翻蓋手機都有返相當歷史，消息一出唔少網民大讚回憶返晒嚟，重拎返晒以前啲手機出嚟回味一下添！呢兩款Samsung Anycall懷舊特別版本手機殻主要係幫Samsung Galaxy Buds Pro充電以及提供保護功能，輕巧嘅設計加上翻蓋功能畀用家回味返昔日用摺機嘅情景，保護殻限時售賣至今個月月尾31號，有興趣嘅朋友記得去睇睇啦！
【Samsung懷舊保護殻】網上玩味濃保護殻
Samsung Galaxy Buds Pro保護殻其實一直都有唔少玩味濃款式，網上就推出咗唔少以卡通角色或者遊戲主機殻嘅款。個樣都幾可愛又抵死，平時可以幫耳機充電及提供保護之餘，重可以跟上潮流型返下，大家又有冇興趣？
