iPhone 7

iPhone 7 Plus 實物測試 即試6大更新 其實⋯⋯

電子產品

廣告

iPhone 7 今日在香港推出,這次除了炒價外,大家最關心的問題是:買 iPhone 7 Plus 定 iPhone 7 ?啞黑定鋼琴黑?,今日NM得到一部啞黑iPhone 7 Plus,本人就一向唔太like大機,不過隻啞黑又真係幾靚,而plus獨有的雙鏡頭,效果亦非常理想,不過⋯⋯

text -譚大偉(ig:taiwaitam

iPhone 7 自用一定係啞黑

外表上,啞黑較為形格,雖然啞黑都容易黐上手指模,但沒有鋼琴黑那麼誇張,而啞黑有少少磨沙效果,感覺沒有那麼容易跣手。

iPhone 7 Plus 雙鏡頭好凸

另外,iPhone 7 Plus雙鏡頭比起6S更加凸出,如果唔用套的話,相信鏡頭會幾易花。

防水掂

大家最開心的功能,一定是防水功能,而我們測試過,真的完全沒有問題,以後唔驚倒水整濕部機啦!但大家又唔好以為可以沖住涼玩電話,因為濕住是難以控制,邊沖邊玩或者水底玩電話就唔得啦!

音色夠大聲

可能在發布會上,大家都留意到新一代iPhone 7是有立體聲喇叭,不過電話頂部眼見是沒有喇叭,原來頂部喇叭就是聽筒位,在播放模式時,就會變成喇叭,上下發聲,不過效果唔算突出。

轉頭耳機

最最關心的耳機,當然會附送Lightning 耳機,而大家想繼續用3.5mm耳機,都有附送轉插線,不過個人就撐Lightning 耳機或者藍牙耳機啦!3.5mm耳機真的是上世紀產物來了!

雙鏡頭 好過冇

iPhone 7 Plus 的雙鏡頭,其實只有 1X 和 2X 的變焦,雖然可以去到10X,但之後其實是數碼變焦,雜訊與銳利度都真係接受唔到。而正常時,鏡頭為 f/1.8而2X 光學變焦時鏡頭為 f/2.8 光圈),所以拍出的表現也有些許的不同。

總結來說,iPhone 7只可以說是6S的更新版,硬體更新了,但整體感覺和6差不多,最大分別反而是ios 10,但6的用家也可以用ios 10,所以,如果氣6或6S粒電未死的話,其實可以⋯⋯不過你又真係好like 鋼琴黑或啞黑,又咁有信心不用case的話,可以一戰。

內容延讀:
update會「變磚」?小心!即睇 iOS 10 7個有用新功能
>>LIKE我們fb<<<

www.facebook.com/newmonday.com.hk

 

 

YOU MAY ALSO LIKE ...