Facebook Reels 更新4大新功能教學！拍短片升級+更方便
廣告
Facebook Reels 更新丨而家流行的短片熱潮Reels，除咗Instagram Reels多人用之外，Facebook Reels愈來愈多人用，簡直係勢不可擋！今日（6日）Meta宣布Facebook Reels推出更多全新創意編輯工具，令用戶可以將短片更加升級同方便！一文睇晒4大更新功能。
Facebook Reels 更新︳1. 最長拍到90秒Reels！
本來只係拍到60秒的Facebook Reels，增加咗長度去到90秒啦！去年7月Instagram Reels增加到90秒之後，似乎反應良好，所以Meta都將Facebook Reels同步，齊齊去到90秒，咁就唔駛拍到斷吓斷吓啦。
Facebook Reels 更新︳2.一鍵將動態回顧（Memories）變成Reels
而家將Facebook限時動態，即係動態回顧（Memories）只需一個步驟，就可以編輯成Reels，操作更輕鬆！
Facebook Reels更新︳3. Grooves：自動將動作同歌同步
Facebook Reels全新功能「Grooves」視覺節拍技，可以好似TikTok、Instagram Reels咁自動將用戶最喜愛的音樂同Reels的畫面配合，即係令你片中的動作同所選歌曲神同步！現階段適用於iOS裝置。呢個功能一直係TikTok的特徵，如果有用開TikTok的用戶應該更可以得心應手。
Facebook Reels更新︳4. 有範本提供 老一輩而上手
有時唔係好識的Reels的用戶，如果無範本應該好難上手同較難掌握。而家Facebook Reels都同Instagram Reels一樣有範本提供，為不同類型的創作者提供創作Reels靈感，人人都可以跟上潮流拍短片啦！
圖片來源：新monday編輯部、meta官網
