DJI Pocket 2現身！超正輕裝拍片必備！1、2代機能大對決

Oct 25 2020

DJI今次又出新嘢！喺Osmo Pocket推出差不多兩年後，DJI終於推出後繼機「DJI Pocket 2」，到底呢部唇膏般大小嘅DJI Pocket 2有咩升級？同第1代又有幾唔同？即刻睇睇！

撰文：海月｜圖片：海月、DJI

DJI Pocket 2現身！超正輕裝拍片必備！1、2代機能大對決

全新推出嘅DJI Pocket 2依舊係唇膏般大小，保持上代便攜性之餘，更具備6400萬1/1.7英吋感測器，拍攝更清晰，視角更廣闊！DJI Pocket 2重量僅為117g，內置875mAh鋰離子電池，以1080p解像度影片拍攝，電池續航力可達140分鐘。

DJI Pocket 2擁有DJI獨創由四組咪高峰組成嘅「矩陣式立體聲系統」，為用戶帶來非凡的音質。DJI Pocket 2不但可錄製立體聲，帶來「聲」臨其境效果，更加入聲場跟隨、聲音變焦、拾音指向性切換及智能降風噪等創新功能。

聲場跟隨係DJI首創嘅音訊功能，聲音會跟隨雲台轉動而改變收音方向。聲音同樣支援變焦操作，使用變焦功能時，音量會隨著畫面放大或縮小進行同步調整。針對有專業錄音需求的用戶，拾音指向性切換可支援全向、向前、前後雙向等 3 種不同方位，拾音範圍由你決定。以往大型攝影機才能達到嘅錄音效果，宜家一支小巧嘅DJI Pocket 2即可輕鬆實現。

DJI Pocket 2現身！超正輕裝拍片必備！1、2代機能大對決 — 1代跟2代體積相若，不過2代就略高少少

影像方面，DJI Pocket 2除採用DJI先進雲台增穩技術，今次更搭載1/1.7英吋影像感測器及20 mm等效焦距f/1.8光圈鏡頭，最高可拍攝6400萬像素相及4K/60fps影片，畫質驚豔，視角更廣闊。相比Osmo Pocket，全面升級嘅混合對焦2.0技術更令DJI Pocket 2對焦又快又準，同時 8 倍變焦又讓拍攝者無需靠近主體，遠處美景隨手可得，畫面始終保持清晰。

DJI Pocket 2由1代的25mm變成20mm，更Wide更好用，就算自拍都唔怕！

DJI Pocket 2嘅可拆式底殼及全能手柄配件亦全面更新。轉接元件配搭微型三腳架，無需勞累雙手，拍攝更便利。而全能手柄更係今次主打嘅核心配件，可將 Wi-Fi 、藍牙、無線咪高峰接收器、1/4″ 螺紋口、揚聲器及3.5mm音訊連接埠集合於一身，支援外接多種配件、支援無線圖傳、支援單機回放影像等功能。