第2代Airpods今年6月登場！加入無線充電 + 防水功能 3大預測功能曝光
廣告
雖然Apple的AirPods剛推出時被果迷集體「負評」，被批評外形似牙刷、似掃把等等…. 不過用久了，大家都似乎已經慢慢接受AirPods，並愈來愈多人開始使用。而除了早前有iPhone SE 2及iPhone 9的消息流出後，近日就有全新AirPods的資料及價錢於外國網站流出，全新AirPods有無大改變？價錢又會唔會平啲呢？一齊睇下啦！
text- Homan、J.C. photo- Apple、Instagram 資料來源- Macworld
第2代Airpods今年6月登場
1. 支援AirPower無線充電
繼iPhone X和iPhone 8支援無線充電功能後，新一代AirPods將會加入無線充電功能，有消息指蘋果將會在3月中推出AirPower無線充電版。在Apple官方的iPhone X附註亦列明，具備無線充電功能的 AirPods將於 2018 年推出。以後為AirPods充電可以愈來愈方便了！
2. 支援Siri功能
硬件升級方面，外國媒體Bloomberg的報道指，Apple將會在新版本的AirPods中加入全新的無線芯片並支援Siri功能。這樣用戶就不需要再用手去點擊AirPods處理事項，而可以直接用語音操作，更方便快捷了！
3. 真正防水功能
不少人都希望可以游水聽歌，但現時版本的AirPods只是有防潑水的功能，未能真正完全防水。而近日相關報道則指出，新一代的AirPods將會改良防水的功能，並可以完全防水，不過是否真的可以去游水之用？就要留意Apple的公布了。
6月正式登場？
早前有消息透露新的AirPods將會在3月推出，不過直至近日都未有相關確認消息，令大家都相信AirPods未必能趕在3月推出。外國科技網站估計AirPods會在6月的WWDC發布，所以各位果迷，再期待一下吧！
