騰訊新手掣集三家之長！ 網民：唔知有冇得變身呢？ 網民：顏色正確
廣告
繼早前騰訊計劃推出呢部混合PSP同Switch「最強機體」後，最近騰訊又有新搞作，就係推出一個新手掣，眼利嘅網友都發現呢個手掣似足「PlayStation」、「Xbox」以及「Switch」三家公司嘅專用手掣，完全係集三家之長，網民重直指呢個手掣嘅顏色完全正確，到底呢次抄得有幾離譜。
撰文：odin | 圖片來源：騰訊
【騰訊】騰訊新手掣集三家之長！網民：唔知有冇得變身呢？
遊戲機市場越來越大競爭，除咗有「「PS5」」、「Xbox」以及「Nintendo Switch」外，騰訊亦都想分返杯羹，繼早前騰訊成功申請手提遊戲機嘅設計專利後，今次中國國家知識產權局官網亦顯示，騰訊今日正式通過咗一款遊戲手掣嘅外觀設計專利，專利裡面詳細指明此外觀設計產品用於遊戲娛樂，大部份機迷見到騰訊呢個手掣，都覺得佢抄足「PlayStation」、「Xbox」以及「Switch」三家公司嘅專用手掣，重笑指「成部三一萬能俠咁，唔知有冇得變身呢？」
【騰訊】 網民：顏色正確
雖然呢個手掣抄足御三家，不過由於早前佢申請推出嗰部混合PSP同Switch嘅「最強機體」疑似係行「Windows」，遊戲預計都會採用電腦遊戲為主，部機亦都會係一個「PC控制器」，眼利嘅網友都指騰訊呢部機極有可能係部擁有掌機外型但係跑Windows系統嘅機器，咁咪同塊平板差無幾？又有傳係個連接電腦當作遊戲手制咁用，咁到底出呢個手掣嘅用意係咩呢？又關唔關呢部機事？後續真相如何只能等騰訊官方公布，不過騰訊抄手掣款都唔係咩新鮮事，網友喺中國某個交易平台搵到唔少手掣款同各大品牌嘅樣完全一模一樣，所以呢次抄襲未有引嚟太大迴響，大家反而諗緊佢出嚟做乜，同埋展示圖中有粉色同黑色嘅款式，直指：「顏色正確」，大家又點睇？
