中環飛觀塘5分鐘就到 無人駕駛水上飛機年底有望
廣告
香港地人多車多，塞車問題特別嚴重，一星期七日，就算係非返放工時段，周圍都係人同車，想十分鐘由中環過海到達九龍東真係極之困難，近日就有間公司宣佈將會喺香港引入「載客無人機(Urban Air Mobility)」及水上飛機航線，過海嘅時間有望大幅減少，特別適合趕時間嘅人。
撰文：odin | 圖片來源：Seaplane Hong Kong
【水上飛機】中環飛觀塘5分鐘就到
香港嘅塞車問題相當嚴重，尤其係市區路段，近日就有間「Seaplane Hong Kong水上飛機(香港)航空」宣佈將會喺香港引入「載客無人機(Urban Air Mobility)」及水上飛機航線，過海嘅時間有望大幅減少至只需5到8分鐘，日前「Seaplane Hong Kong水上飛機(香港)航空」就透露咗無人機航班服務將會連接中環、觀塘及將軍澳等地區，「Seaplane Hong Kong水上飛機(香港)航空」更聲稱由中環出發，飛往觀塘只需要5分鐘，更聲稱飛往將軍澳只需要需時8分鐘，聽落又真係節省咗好多時間喎！
【水上飛機】無人駕駛水上飛機年底有望
「Seaplane Hong Kong水上飛機(香港)航空」日前宣布香港將會成為全球首批引入「載客無人機(Urban Air Mobility)」及經營水上飛機航線嘅城市之一，由中環、飛往觀塘或將軍澳，時間將會大幅縮短至5到8分鐘，沿途重可以欣賞到香港非凡嘅景色，非繁忙時間嘅單程票價收費，有望低至港幣200元，官方展示嘅兩款載客無人機採用四個螺旋槳，並設有3至4個座位，官方Facebook專頁重提及服務將會喺2021年底前試飛，不過網民就唔多睇好，一嚟「Seaplane Hong Kong水上飛機(香港)航空」現時並未擁有航行營運人許可，能否順利推行重要取決返香港能否提供相關法例及配套設施支持，更有網民指「機程5分鐘，排隊5個鐘」「肯定呢單野係9up年底乜都冇」，網民將件事睇到好淡。
