附精靈球錶盒訓練員必入！ BABY-G再推可愛比卡超款聯乘手錶
廣告
熱爆可愛角色比卡超最近又有聯乘，今次比卡超再次聯同手錶潮牌CASIO BABY-G合作，配埋可愛嘅粉色式勁吹少女風，就連比卡超隻招牌色黃色都變埋粉紅色，到底隻錶有咩咁特別，訓練員們一齊嚟留意下啦！
撰文：odin ｜ 圖片來源：官方相片
【比卡超】BABY-G再推可愛比卡超款聯乘手錶
風靡全球嘅《精靈寶可夢（Pokemon）》唔單止紅喺漫畫同動畫方面，就連旗下推出嘅手機遊戲《Pokemon GO》推出咗成5年，依然有唔少fans無懼疫情四出捉寵打團戰，特別係佢人氣角色比卡超可愛嘅造型最得人鍾意，唔少品牌都聯同比卡超或者其他精靈一齊聯乘推出唔同產品，繼早前同Razer合作推出多款電競週邊Razer Hammerhead True Wireless Pikachu limited edition 版本後，今次再次聯同手錶潮牌CASIO BABY-G合作推出聯乘系列，係繼2年前推出25週年版本後再一次聯手，錶入面重暗藏咗唔少比卡超元素，不如大家一齊睇睇。
【比卡超】精靈球錶盒訓練員必入
呢款BABY-G聯乘Pokemon手錶主打粉色設計，錶面左方以精靈球為設計，錶背重有埋比卡超全貌，錶帶以迷彩款色配以比卡超剪影造成，手錶扣整咗個心形比卡超尾巴圖案，嚟緊情人節知道送咩比鍾意《精靈寶可夢》嘅女朋友啦！除咗可愛嘅造型之外，錶身亦有強大嘅防撞及防水功能，防水功能足足有成100米咁深，再襯埋隨錶附送嘅精靈球造型收納盒就完美，手錶售價為19,800日元（約港幣$1,482），相信粉絲很難抗拒得到呢！
關鍵詞
買了球鞋再買玩具
