港台「AI天氣小姐」被爆係罐頭範本(有片） 半粒鐘內就能生成一個？！

港台「AI天氣小姐」被爆係罐頭範本 半粒鐘內就能生成一個？！

港台所創造的「AI天氣小姐」Aida，據悉其製作統籌總共用了3個月時間，港台於Facebook寫道：「Aida係香港電台訓練出嚟嘅新主持，佢永遠唔會「食螺絲」！不論晴天 、陰天定雨天 ，Aida都會一一話你知！」。不過目前Aida無論是語氣、肢體動作抑或是神情，都依然相對木獨，同Siri都十分相似，欠缺了真人主播的感情及神態。

Aida只係罐頭AI！？

不過有網民就發現，港台所開發的Aida疑似是用一個AI生成網站「HeyGen」去製成，而其人物原型也只是網站上的「罐頭AI」，網民發現其人物原型是名為「Angela」的AI，語音則選用了「Microsoft HiuMaan」。因為是付費帳號，所以能夠將原本的黑色長裙轉換為紅色，並加上港台logo。最後則是輸入Aida需要讀的稿文，就能夠完成一個完整之「AI天氣報告」。而且只需要付$240美金（約港元$1,900），便能製作120分鐘的影片。

網民作品：

&ab_channel=WongPeter

30分鐘即搞掂！

網民補充自己只是用了大約30分鐘，就製成了只是與Aida在衣服顏色上不同的「AI天氣小姐」。網民都質疑港台自稱統籌總共用了3個月時間到底用在哪裡，又笑稱港台該項目又不知道「俾人劏咗幾多」。

Aida撞樣微辣蘇霖

睇返港台呢個Aida，其樣子同微辣的成員蘇霖撞晒樣，乍看之下兩個樣子的確十分相似，唔講以為蘇霖去咗幫港台報天氣啊！不過港台亦算是香港第一間引入AI作天氣報告之媒體，相信未來將會有更多「AI主播」出現在各大新聞台。

資料來源：連登討論區