新防疫道具取代探熱槍 日本PILOT研發便攜探熱卡

電子產品

廣告

大家有沒有計過喺呢段疫情期間,一日畀人量幾多次體溫呢?無論出入公司、學校定餐廳都需要使用額溫探熱槍量體溫,但用呢個方式量喺人流高峰期就會形成長長嘅排隊量人龍,既唔方便又浪費時間,加上唔係好多地方可以擺一台探熱儀量測所有人嘅體溫,下下人手嘟好唔方便,日本近排研究推出一款便攜探熱卡,有望可以改善呢個情況。

撰文:odin | 圖片來源:影片截圖

【PILOT】新防疫道具取代探熱槍

疫情期間無論出入公司、學校定餐廳都需要使用額溫探熱槍量體溫,單靠用額溫探熱槍量體溫逐一量體溫,喺人多嘅時候,特別係午市爆晒嘅情況好容易應付唔嚟,既費時又失事,近日日本企業PILOT利用會變色嘅「感溫油墨」發明咗一款測溫卡片,只要將卡片放喺額頭度,一旦發燒超過攝氏37.5度,PILOT卡片上顏色就會轉變成唔同顏色,日本東京電視台嘅經濟情報節目,前排重介紹咗呢款名為:「37.5℃体温チェックシート」嘅PILOT新發明。

【PILOT】只要將卡片放喺額頭度,一旦發燒超過攝氏37.5度,PILOT卡片上顏色就會轉變成唔同顏色。
【PILOT】只要將卡片放喺額頭度,一旦發燒超過攝氏37.5度,PILOT卡片上顏色就會轉變成唔同顏色。

【PILOT】日本PILOT研發便攜探熱卡

日本PILOT近排研究推出一款便攜探熱卡,有望可以改善呢個情況,呢款PILOT便攜探熱卡叫做「37.5℃体温チェックシート」,卡片嘅中間有一塊藍色橢圓嘅位置,只要將呢個位置貼近額頭5~10秒,整個量體溫動作就會完成,一旦發燒超過攝氏37.5度,卡片上顏色就會轉變成唔同顏色,喺返工或者食lunch嘅時候,經常會有大量上班一族排晒隊嘅時候,用PILOT呢個方法一定比額溫探熱槍量體溫逐一量體溫快得多,呢張PILOT卡片用嘅技術係常見的「感溫油墨」,開發商正正係知名文具品牌「百樂(PILOT)」旗下嘅墨水公司「PILOT INK」,呢種技術可以令材料喺特定嘅溫度,變成指定嘅唔同顏色,或者變成完全透明無色,常見嘅魔擦筆就係用類似嘅材料!不過呢樣商品依然喺實驗階段,重未公布價格或者販售日期,想要體驗呢款新嘅防疫道具睇嚟重要耐心等等。

【PILOT】兩隻手指揸實再放上額頭5~10秒就完成。
【PILOT】兩隻手指揸實再放上額頭5~10秒就完成。
【PILOT】節目重實測卡片對溫度變化。
【PILOT】節目重實測卡片對溫度變化。