LINE新推出換面App 1秒變埋宋仲基
廣告
換面app成為近期自拍潮流新標準，經典例子必數Snapchat及Face Swap，改頭換面效果必定有趣好笑，當中連黎明都玩的MSQRD，更令黎明由金句王變成明蝠俠，笑爆你個咀。近日到LINE亦忍不住加入戰團出手，新推換面app「egg」，甫推出即上免費下載第1位，記者試過，覺得最正是可以自創效果，變蝙蝠俠小兒科，你想的話直情變埋宋仲基都得，黎明今次玩唔玩？
text – Nam model – Vivi Tam(ig:vivivvtam)
換面App 1秒變埋宋仲基
換面app來來去去差不多，最主要看有甚麼mask可以玩。egg的種類就非常非常之豐富，本身已內置幾十種換面效果，亦可保留自己的樣貌，單玩特效（例如張開嘴巴會嘔彩虹），當中不乏人氣的蝙蝠俠、天使、魔鬼，亦有LINE的吉祥物熊大。若然都覺得未夠，甚至可以自己影相加新mask。記者就嫌自己太樣衰，於是影低宋仲基oppa個樣和自己玩換面，效果可以自己看看，換面app來說都非常夠用及有趣！可惜egg有個缺點，就是相片儲存後只有480 x 480解象度，質素低得十分可憐，分享去fb都有少少不足，等下次更新吧。
黎天王用開MSQRD的蝙蝠俠玩自拍片，應該是亞洲區最有名代表。egg都有蝙蝠俠玩，同樣可拍片，請不到黎明示範，記者只好自己下海，大家覺得那個較有型？（我覺得自己將會是零…）
唔夠玩？可以自己製作，男友不夠靚仔，一於換宋仲基oppa個樣再自拍，都算拖友小情趣呀，正！
