智能手錶|男友借朋友過橋設局偷食 女友靠呢樣嘢成為捉姦關鍵

電子產品

廣告

近幾年智能手錶同手帶嘅興起,協助大家記錄運動表現同提供數據分析,有助大家維持健康嘅生活狀態。唔少人仲會用智能手錶記睡眠數據,希望提高睡眠品質。不過日前就有位英國巴打唔小心,因為呢啲記錄出咗事……

英國男凌晨運動500卡路里

英國鏡報報道,英國知名專欄作家 Nadia Essex,日前通過睇男友嘅智能手錶,意外發現男友偷食,繼而憤怒地提出分手。Nadia仲係社交媒體分享捉姦經過,希望各位姐妹都可以提早發現渣男。

智能手錶抓姦 英國男凌晨運動500卡路里 女友成功抓姦
英國知名專欄作家 Nadia Essex(圖片來源:Nadia Essex IG)
智能手錶抓姦 英國男凌晨運動500卡路里 女友成功抓姦
日前通過睇男友嘅智能手錶,意外發現男友偷食(圖片來源:Nadia Essex IG)

一切嘅悲劇源於智能手錶彈出嘅通知,信息顯示佢男友係凌晨消耗超過500卡路里!至於Nadia 點樣睇到個信息呢?Nadia可能出於關心男友嘅運動表現,一早就同步咗Fitbit智能手環嘅信息通知。喺佢為男友準備早餐果陣,突然響起信息提示音,恭喜佢男友「在凌晨2am至3am期間消耗超過500卡路里」。

智能手錶抓姦 英國男凌晨運動500卡路里 女友成功抓姦
喺佢為男友準備早餐果陣,突然響起信息提示音,恭喜佢男友「在凌晨2am至3am期間消耗超過500卡路里」。(圖片來源:Fitbit IG)

Nadia Essex下意識覺得唔對路,因為男友尋日同佢講自己係同朋友通宵聚會。佢細想一層究竟咩聚會可以消耗500卡路里?進一步調查之後更確定男友根本就係同異性相約見面,係床上盡情揮灑汗水,消耗咗500卡路里。好一個英國時間管理大師!

智能手錶抓姦 英國男凌晨運動500卡路里 女友成功抓姦
男友尋日同佢講自己係同朋友通宵聚會,結果…(圖片來源:Nadia Essex IG)

作為一個熱愛運動嘅小編,忍唔住要多口科普一句。10分鐘跑1.6k先消耗大約100卡路里。呢位巴打消耗500卡路里,換算落即係要跑成50分鐘,可以話係戰況相當激烈。

智能手錶抓姦 英國男凌晨運動500卡路里 女友成功抓姦
10分鐘跑1.6k先消耗大約100卡路里(圖片來源:Nadia Essex IG)

撰文:神仙B圖片來源:Nadia Essex IG、Fitbit IG、Healer劇照