手機訊號｜網民熱議！全港手機訊號黑洞 九龍灣至XX站完全Load唔到！呢間周圍收唔到最多人插
廣告
手機訊號｜都市人機不離身每分每刻都要揸實部手機，無論處理公事定打機煲劇，好多時都要透過上網來進行，一但手機上唔到網，好多嘢都即時做唔到，近日有網民在討論區上發文引來熱烈討論，更進行「嚴選全港手機上網訊號黑洞」引來大批網民留言，內容除了指出某些地區外，某間電訊商亦被指收得最差！
撰文：odin ｜圖片來源：通訊事務管理局影片截圖、LIHKG
手機訊號｜網民熱議！全港手機訊號黑洞
唔少人搭車時都會用手機來打發時間，但偶然都會出現上唔到網情況，特別在某幾個站或地方會收得極差，好似跌入黑洞情況，近日連登討論區有網友指，表示自己「用過幾個台，咁多年，以下地點堅黑洞，一進入就上唔到網 ，1.港鐵線香港站至奧運站、2.西鐵線荃灣西至錦上路站」。
文章出現了短短數小時即有超過11頁網友作出回應，唔少網友積極提供資料，包括九龍灣去彩虹站、藍田去觀塘站、錦上路站附近、青衣站、八鄉、西灣亭等。
手機訊號｜九龍灣至XX站完全Load唔到！呢間周圍收唔到最多人插
其中最多網友一致同意的位置，就係「彩虹至藍田」地鐵站範圍，「藍田站試過連電話都打唔出」、「每次入彩虹就收唔到」、「入完彩虹去到觀塘好似入咗異空間咁」、「繁忙時段好明顯，明明露天段都仲收得差過隧道段，限速後直情Load空氣！」亦有網民大讚用了某間電訊商就再無出現斷網情況。
