小米唔送充電器被指抄人跟風? 小米創辦人雷軍澄清:呢個創意我最先發起

電子產品

廣告

小米緊隨Apple及Samsung先後表態因為環保唔送充電器,但只有5%買家選擇環保版,成效低之集重畀人質疑佢抄人,小米創辦人雷軍就話5年前已經有呢個想法,佢先係創意始祖咁話,大家又點睇?

撰文:Odin |圖片來源:微博 |編輯:海月

小米唔送充電器被指抄人跟風? 小米創辦人雷軍澄清:呢個創意我最先發起

【時空旅人】小米唔送充電器被指抄人跟風? 小米創辦人雷軍澄清呢個創意我最先發起

Apple推出iPhone 12系統嗰陣最先表態為咗環保著想所以唔附送充電插頭,原意係因為好多用家都係舊機換新機,屋企堆積唔少充電插頭相當唔環保所以先推出呢個決定,之後Samsung亦都表態類似計劃,相隔不久小米亦緊隨其後,佢哋新推出嘅小米11就會有呢個打算,但做法就引嚟唔少人質疑,但就畀多個選擇用家揀選是否需要充電插頭及充電線等配件,但因為價錢一樣所以只有5%選擇環保版,根據小米公布數據指銷售額高達15億,計返大約賣咗37餘萬部小米11,5%即係只有約2萬人支持環保,被指成效低之集重畀人質疑佢抄人,但佢本人就話5年前已經有呢個想法,佢先係創意始祖咁話。

最近小米創辦人雷軍喺「小米直播間」指出,其實佢5年前已經有呢個環保打算,重曾經喺微博發表佢嘅高見,可惜當時反應麻麻冇咩人支持,最後件事不了了之,直到最近見唔少廠商爭相響應環保,所以佢哋就重啟當年大計,但就一直受到負評,重被指佢哋抄人咁話,所以佢就澄清返佢先係呢個創意嘅始終咁話,不過眼利嘅網民就指出雖然創意係一樣,但佢哋計漏一樣好重要嘅嘢,就係價錢嘅問題,同等價錢一樣要一般買家選擇拎少樣嘢走係最難嘅抉擇,亦有網友支持佢做咗件好事,就係成功證明用家喺相同價錢情況下,大部分人都唔會願意選擇放棄優惠。