SA

Youtuber拍片教與名店sales建立良好關係 網民:俾錢買嘢仲要奶鞋底?

潮流

廣告

現時買名牌,除咗要有錢之外,仲要識名店sales,即係「SA」,因為有啲名牌有時有錢都未必買到,要同SA熟,搵佢哋進行「配貨」。而近日就有一位youtuber拍片教觀眾點樣同名店Sales建立良好關係,不過網民睇完呢條片就狠批該youtuber係「名牌奴隸」!

SA
(圖片來源:youtube@查理斯囉)

YouTuber拍片教同名店Sa建立良好關係:

近日有一位YouTuber拍片教大家點樣同名店Sales建立良好關係「分享與香奈兒CHANEL SA相處秘訣!要具備怎樣的心態?消費頻率?避免經常XXXX? 拿好袋」以下整合6大要點:

1.唔好係咁Chur sa

內容首先教大家買袋要保持平常心,唔好係咁chur 啲名店sa,咁樣會麻煩到SA,同埋自己個心都會唔好過,因為會令自己成日掛住嗰個袋!

SA
(圖片來源:youtube@查理斯囉)

2.得閒探吓SA 增強記憶點

同埋教大家得閒可以去探吓SA,或者幫襯吓其他嘢,支持吓佢,就可以令個sa多啲記憶點,快啲幫自己搵袋。

SA
(圖片來源:youtube@查理斯囉)

3.充分利用時間表達自己點解想要嗰個袋

行動方面,約SA時可以講清楚晒所有時間地點,因為佢哋做嘢好忙,要盡量充分利用時間表達自己點解想要嗰個袋。

SA
(圖片來源:youtube@查理斯囉)

4.定期搵SA買嘢

建議持續定期搵sa,大概一個月搵一次sa買吓嘢

SA
(圖片來源:youtube@查理斯囉)

5.買完仲要分享返喜悅

買到之後仲要同個sa講返自己的喜悅,自己好開心,好鍾意個袋,點樣穿搭,咁個sa就會覺得個袋係托付咗一個啱的人,咁樣雙方得到幸福

SA
(圖片來源:youtube@查理斯囉)

6.最緊要多謝個SA

同埋最緊要感謝個SA,仲提醒觀眾,唔好覺得自己俾錢仲要好似求個sa咁,因為社會就係咁殘酷,大家都想要嗰個袋,所以要遵守遊戲規則。

SA
(圖片來源:youtube@查理斯囉)

完整影片:

網民狠批:名牌奴隸 完全唔理解咩心態

同唔網民睇完影片後,指該youtuber極為卑微,做一個品牌的奴隸「買個袋連個sales都要討好」「買個袋都要同sales打好關係,真係可悲」「奴性唔好咁大,比返啲尊嚴自己」「做男人做到你咁,真onx」「買手袋要配貨已經覺得onx,為咗個over price luxury brand手袋,捆綁式消費埋其他自己唔需要嘅嘢,諗深一層唔覺得自己好onx咩,有骨氣啲同個sales講,而我唔食你呢套,唔x要你d袋啦,你係客人黎架,要乞求佢比個袋你買,成件事本末倒置哂」「其係係咪屬於行賄」不過亦有觀眾有多謝佢的意見「好有用的建議,資訊充足!加油,拍多啲片!」「很實用的建議」「多謝講解,等我入店時無咁迷茫!」仲有網民話睇完覺得youtuber反映咗現時買錶都係咁「男人買撈咪一樣」「你咪試下行入AD買隻黑十睇下人哋賣唔賣比你,luxury就係咁x西㗎啦無關男女事,買pp要查埋家底,你襯得起隻錶先賣比你」

SA 示意圖非當事人
示意圖非當事人(圖片來源:youtube@微辣 Manner)

圖片來源:youtube@微辣 Manner、youtube@查理斯囉

YOU MAY ALSO LIKE ...