【潮牌 x 港產片】Supreme與《喋血雙雄》聯乘力推新系列

潮流

廣告

要講Supreme呢個牌子,的確係唔話得。無論係外國超出名嘅電影《Sarface》,抑或係日本國民級漫畫《Akira》,Supreme都同佢哋聯乘過。今次仲食正香港市場,力推發哥1989年神戲《喋血雙雄》嘅聯乘產品,呢鋪真係炒到手軟都似!

撰文:白仔丨圖片來源:Supreme

Supreme與《喋血雙雄》聯乘力推新系列

相信鐘情於港產片嘅朋友嚟講,呢套由吳宇森執導嘅《喋血雙雄》大家一定都唔陌生,當時呢套戲喺外國都相當賣座,由親民大神發哥、李修賢、葉倩文同大傻成奎安等演員出演。

5大產品率先睇!

今次聯乘當中有5件產品,包括李修賢同發哥對峙時經典畫面嘅「Trust Tee」、印有《喋血雙雄》Vintage風景圖嘅長袖、大傻脅持女人質場面嘅衛衣同M-65 Jacket,仲有兩塊經典場面嘅滑板。是但一樣都足以叫港產片迷同Supreme迷興奮一世!

 

而Supreme更加請嚟吳宇森導演著上Supreme 黑色Box Logo Tee去大談呢次嘅聯乘,佢亦到講到喺執導期間佢更加係將佢想表達出嚟嘅場景同意思發揮得非常淋漓盡致!

而呢次嘅Supreme x《喋血雙雄》系列將於星期四(10月25日),即Supreme每個星期嘅Drop當中推出,大家屆時都可以去Supreme官網試下手速(雖然都冇乜可能㩒到)。但點都好,呢個系列一定要入手呀!