Nike及H&M唔採用新疆棉花 中國網友發起抵制活動 有網友燒波鞋表態

Nike及H&M唔採用新疆棉花 中國網友發起抵制活動 有網友燒波鞋表態

Nike及H&M絕對係近期時裝界最有話題目牌,話說美國、英國及歐盟等聯手因新疆人權問題制裁中國,令中國引發一輪反西方品牌熱潮,受影響嘅品牌包括H&M與Nike等,呢2個品牌因去年曾表明唔採用新疆棉花聲明,最近被中國網友挖出呢單新聞,然後以行動去表示反感,更有網友火燒Nike波鞋作表態。

撰文:拓海 | 圖片來源:Weibo、Nike、H&M

Nike及H&M唔採用新疆棉花 中國網友燒波鞋表態

Nike及H&M事件愈演愈烈,今日大陸網路流傳一段成都「大悅城」商場,一眾網民為抵制Nike及H&M行動,片段中可見一眾大陸網民拆除H&M廣告牌。另一邊廂,有大陸網友自拍火燒Nike波鞋作抵制Nike,不過有唔少網友質疑其網民唔捨得燒真鞋,而用上紙紥或山寨貨代替,有唔少資深波鞋友稱,片中所燒嘅Nike波鞋極大可能係假貨。

有大陸網友自拍火燒Nike波鞋作抵制Nike
有大陸網友自拍火燒Nike波鞋作抵制Nike
不過有唔少網友質疑其網民唔捨得燒真鞋,而用上紙紥或山寨貨代替
不過有唔少網友質疑其網民唔捨得燒真鞋,而用上紙紥或山寨貨代替

 

而微博更發起「我支持新疆棉花」運動,得到陳小春、文詠珊等明星轉發貼文支持。

微博更發起「我支持新疆棉花」運動
微博更發起「我支持新疆棉花」運動
得到陳小春貼文支持
得到陳小春貼文支持

 

近年主力係大陸時裝界發展,有「中國時尚教母」之稱嘅洪晃(唔係李司棋),亦都拍片呼籲全民抵制外國品牌,不過以中國人咁崇尚外國名牌嘅風氣,唔知呢個抵制運動會維持幾耐呢?

有「中國時尚教母」之稱嘅洪晃
有「中國時尚教母」之稱嘅洪晃

YOU MAY ALSO LIKE ...