網民嚴選遭MK仔用到變公廁的品牌呢個brand你都一定有過！

Nov 4 2022

唔少品牌一開始所奉行的理念都相當不錯，不過每當品牌中的某些單品被過度吹奏，甚至淪落到人人擁有，則會變成「公廁」。近日有網民就討論出有什麼品牌是被「MK仔」用到變公廁，當中有幾個Brand的單品相信各位讀者都有所接觸！

網民嚴選遭MK仔用到變公廁的品牌呢個brand你都一定有過！

1.Aape

由日本潮流教父Nigo創立的品牌Aape （A Bathing Ape），其標誌性猿人頭Logo大家都一定見過，當時推出的單品更是一搶而空，二手市場仲會有炒價現象！不過自從香港I.T.收購後，品牌質素就每況越下，而品牌的單品更成為MK仔最愛，每個都要整返件猿人頭Tee或者Full Print猿人頭外套！

2.Alexander McQueen白波鞋

奢侈品牌Alexander McQueen旗下最公廁並受唔少MK仔女愛戴的單品便是Oversized白波鞋，以Stan Smith為設計藍本，再符合時下Chucky Shoes的熱潮，一度成為唔少人的首選白波鞋。

3.Gucci波鞋

Gucci作為入門級的奢侈品牌，由舊一代MK仔女就熱愛的斜揹袋，去到今時今日都仲有唔少MK仔女熱愛Gucci推出的波鞋，醒目紅綠標誌配色，再加上蜜蜂刺繡，令一眾MK仔女都可以著住去威！

4.Fendi/GucciPounch

Fendi同Gucci均有推出過的腋下包，因為滿版的Monogram圖案，令到其辨識度相當高，亦令到MK仔女勁愛！無論係夾住定手拎住，街外人都知道係名牌啊！

5.Supreme

街牌始祖Supreme，以前每次推出新系列均能引起話題，當中Box Logo的衛衣/長袖/短袖/更是必炒單品。不過後來越多MK仔女的加入，令品牌變得公廁化，人手一件的Box Logo Tee更令人懷疑是咪山寨貨。當然啦，大陸山寨Supreme更加係開到有埋公司註冊！

6.Nike Dunk Low

Nike曾經推出的滑板鞋Dunk Low是「Outlet貨」，不過近年復刻並經過唔同KOL明星等等上腳，成功炒到貴一貴。合作款如Travis Sccot Dunk Low更炒上天價，就連普通一對$699的黑白Dunk，都能夠炒過千。而且行出旺角一轉，差唔多一條街都見到十幾二十個著Dunk Low之人。