Kanye West歌迷天價售試聽會現場「空氣」今次真係Air Yeezy

Kanye West歌迷天價售試聽會現場「空氣」今次真係Air Yeezy

美國人氣Hip-Hop歌手Kanye West早前舉行新專輯《DONDA》試聽會,事後竟有肯爺歌迷於網上售賣當日現場所收集嘅空氣,而價錢更十分誇張,消息一出引來高度討論性,更有人稱為Air Yeezy,究竟呢袋神聖「空氣」值幾錢呢?

撰文:Janet |圖片來源:Twitter

Kanye West歌迷開價$9萬售試聽會現場「空氣」

Kanye West於7月22日喺美國亞特蘭大賓士體育場舉行新專輯《DONDA》試聽會,門票早前一開賣就被秒殺,可見Kanye West人氣依然強勢。當日體育館多達7.2萬歌迷,而肯爺身穿紅色Yeezy x GAP聯乘外套,同時戴上頭套,以及未發佈嘅adidas YEEZY 1020 Boot,每一件都係潮人Dream Item。試聽會其中一個話題係整個活動內,Kanye West一句說話都冇講過,場內只係播新歌,以及肯爺舞動幾下展現「行為藝術」,表演內容認真唔「簡單」。

(圖片來源:Twitter@Photo of Kanye West)
(圖片來源:[email protected] of Kanye West)
(圖片來源:“I Love It” MV)
(圖片來源:“I Love It” MV)

 

最搞笑嘅係,試聽會後有一名歌迷賣家以高達$3,333.33美元(約港幣$25,923)於eBay上售賣裝滿當日試聽會空氣嘅透明膠袋,值唔值就真係見仁見智啦,不過當日未能親身現場去試聴、又想感受下當日氣氛嘅,不妨考慮下囉…之不過,如果咁都有人買,之後所有巨星嘅演唱會,相信所有觀眾都會自備幾個保鮮袋,隨時睇一個演唱會就可以賺幾萬蚊,何樂而不為?

(圖片來源:eBay)
(圖片來源:eBay)
(圖片來源:eBay)
(圖片來源:eBay)

 

試聽會除咗有人拎裝滿當日空氣嘅透明膠袋外,仲有另一單笑料。話說Kanye West嘅新專輯《Donda》原定於試聽會當日同步推出,但Kanye West卻於當日表示《Donda》專輯依然未完成,所以專輯暫時唔會發行。而Kanye West嘅好友稱《DONDA》將延後至8月6日開賣,其製作人Rick Rubin正在為專輯趕工,希望《Donda》能早日正式開售。話時話,咁《Donda》要延期發行,咁Kanye West
如期搞咁大型嘅試聽會嚟做咩?

同場加映

MMA拳王都爭住入手 林寶堅尼豪華快艇有幾正?

YOU MAY ALSO LIKE ...