各大名牌開始公廁化 連Hermès都頂唔住了！
各大名牌開始公廁化 連Hermès都頂唔住了！
近年，唔少奢侈品牌例如Gucci，Celine，Bottega Veneta，Louis Vuitton等等的品牌都推出較為廉價的單品，一眾消費者能夠更容易地獲得相關品牌的單品。就以Celine為例，其Monogram款色的腋下包或者是Crossbody Bag，都因為價錢較易接受而受到一眾港女力捧，如果有機會出一轉尖沙咀或旺角的話，就會見到成街入面有超多女性都在用Celine的相關單品。
品牌的配貨機制
而一直都是奢侈品牌最頂級的Hermès，近年大玩「配貨」機制，要買到一個正常款色的手袋好似Birkin咁樣，都要硬食一些品牌自家推出的其他單品，到達一定金額後先有機會可以入手Birkin手袋。另一個品牌則為Chanel，同樣要買到限量款或「正常」款，都要透過配貨來買，就好似Chanel的小廢包，縱使咁細個袋都要配啊！
中學生都用Hermès
有網民就開post以「係咪得返Hermès先係名牌」為題，提及唔少奢侈品牌都開始出現公廁化，發現：「Gucci，LV，Chanel 呢啲公廁連中學生都有幾個」。有網民就十分認同其說法，唔少品牌的名牌手袋都沒有以前矜貴，就連中學生都有機會負擔得起。不過則有網民持相反意見，認為無法確認在街上用名牌袋的中學生是用真貨定流四。
只有限量款先配叫「名牌」？
有其他網民則認為連Hermès都不能夠再稱得上名牌，因為已經去到周街都係。品牌的普通款已經淪為「公廁」，只有限量推出的款式先可以稱得上是「名牌」。有人則笑指無印良品推出的購物袋先稱得上是名牌。
走向平民化係好事
其他名牌走向平民化也並非一件壞事，以往遙不可及的手袋在現今變得更易獲得。而唔少品牌都開始走入街頭，將品牌的形象都變得更為「貼地」，讓一眾平民都更易入口，更易接受。縱使有好多品牌所推出的單品都有相似的設計，但正正因為此而吸引到用家去購入，易入口的設計令用家在襯唔同衣服時，都能夠更百搭。
