GU殺入香港 已經掀起一陣Wear Tokyo Now搶購熱潮!
玩法簡單 襯衫同時Jam歌
點襯衫又Jam歌?好似好複雜,其實玩法非常簡單!玩家先登陸指定活動網站,進入遊戲頁面,就分別會有上衣、裙或褲、鞋履、飾品4個類別,每件單品均配有獨立音律,隨著玩家每一個不同配搭串連成不同歌曲,你更可以將你嘅專屬歌曲儲存,upload上社交平台,同朋友開心share!
GU殺入香港 新單品入荷 日本人氣No. 1闊褲腳
GU會喺遊戲重點推介時下最新、最潮的單品,其中包括今季熱推的Palazzo闊腳褲!有留意fashion嘅朋友,都知道闊腳褲熱潮一直無減退過,嚟到2017春夏季,依然大行其道!GU繼2015年推出Gaucho Pants風靡一眾女生後,今年更推出進階版「Palazzo Pants」,誓要將闊褲腳玩到出神入化!
Palazzo Pants略為修長,最重要係I-LINE剪裁能夠修飾下半身,達到顯瘦效果! 質料輕柔,備有多色系、Waist Mark蝴蝶結綁帶款,仲有今夏必備嘅花卉、Tropical Pattern同雪紡料等,即使身型嬌小嘅女仔,只要襯返對高跟鞋,一秒變長腿亦得,,Tokyo Look百搭度直達200%!聽聞香港店開幕時,牛仔開衩款更一度成為Top 1商品呢!
除咗人氣Palazzo闊腳褲,其實今季亦都好興一啲腰間有detail嘅裙同褲,例如每位少女都有情意結嘅蝴蝶結,又或者連belt設計,再將件闊袖top tuck-in入去,襯埋對今季人人一對嘅Mule涼鞋,要做日本妹真係話都冇咁易!
Super Girls加持 打造專屬主題曲
呢個遊戲內嘅專屬歌曲「自由選擇」,係由青春人氣女子組合Super Girls唱出!仲搵嚟本地創作樂隊NI.NE.MO嘅主音Tedman Lee、結他手兼監製Josh Yeung作曲兼監製(曾參與周筆暢巡迴演唱會製作),聯同著名填詞人梁柏堅、聯手打造!節奏勁輕快,啱晒夏天聽!
五位Super Girls各自擁有獨特魅力,喺MV內各自示範唔同嘅Tokyo look,如歌詞入面提及好多顏色,又軍綠又米白又杏又橙,勁吸睛!不過女仔就係五時花、六時變,唔係點樣jam出屬於自己嘅風格!今個夏天你唔識唱呢隻歌,真係因住俾人話你唔夠潮喎。