盤點ERROR新歌《愛情值日生》現身史前潮物 見到暴龍機超懷念
盤點ERROR新歌《愛情值日生》現身史前潮物 見到暴龍機超懷念
1. Sony Erisson W850i & 數碼暴龍機
第一幕MV中就已經展現出一代Gadget潮物,Sony Erisson嘅手機W850i以及數碼暴龍機。想當年有部W850i簡直係身份象徵。而數碼暴龍機更加唔使講,一路行一路chok有邊個未試過?
2.Discman
跟住即刻再嚟一個80後回憶,就係Discman啦!當時聽歌邊有依家咁方便,要買CD之餘仲要買部Discman,先可以出街都聽到歌,拎住喺手至潮個個就係你!
3.快譯通
想當年讀書時人人都必備嘅快譯通,絕對係必備上堂gear。不過用佢嚟通常都未必係查字典,而係上堂唔聽Miss Chan教書,走去玩快譯通入面嘅小遊戲。
4.Super-X圓桶袋
Super-X嘅圓桶袋係當年每個男仔都想入手嘅夢幻單品,唔貴得嚟但又超有型,乜色都有,潮嘅仲要將佢條帶較好長,成個袋落到屎忽位。講真依家睇返其實個袋都幾型,想買返個了。
5.籃球波衫
籃球波衫入面再著件短/長袖,呢個Style去到依家都仲有人咁著。想當年行得比較前嘅潮人都會入手自己心愛NBA籃球隊嘅波衫,再做穿搭,實現當時嘅Hip Hop精神。
6.子彈仔+搖搖
扮演終極MK仔嘅保錡,揸住當時「單車界GTR」嘅子彈仔出場,將其改裝到閃閃發光之餘,更有一絲絲電單車嘅味道,絕對係當時MK仔必備潮物。最緊要揸嘅時候大大聲播歌,咁先夠晒味道!另外保錡仲要拎住粒搖搖係度fing,真係夠晒味道。想當年個個練搖搖都練到出神入化,去公園就要鬥邊個識得多花式。
7.手繩/腳繩
象徵友情又好,愛情又好,想當年每個人都會戴住手繩或者腳繩,呢條繩戴住就係代表住一段關係,最緊要係戴住沖涼瞓覺都唔除,戴到霉晒爛晒都唔除!
8.電話掛飾
當年電話一定係有個位俾用家去穿電話繩,唔少人都會在該位置掛上「一抽抽」嘅掛飾,越多越型,仲有一段時間興掛住一條毛茸茸嘅尾巴,差唔多女仔都會掛。
9.溫暖牌頸巾
當年科技冇咁發達,人與人之間嘅距離也比較近,對於自己心愛嘅人,總會去花心機和時間去幫對方織一條「溫暖牌」頸巾,無論係太長定太短都好,個份心意已經贏過一條Guuci頸巾了!
10.Converse JackPurcell
當時Converse波鞋亦都相當流行,當中俗稱「開口笑」嘅Jacky Purcell更是大眾熱棒款式,全白同全黑更係爭住著,堪比現時滿街都是Dunk Low嘅風潮。
11.Nokia 3310
身為電話界始祖嘅Nokia 3310,被稱為「硬過石頭」嘅存在。而且電話本身性價比都超高,用過都賺好!不過交收時要小心,因為分分鐘:「有內鬼!終止交易!」。
即睇MV回憶吓舊時!
https://youtu.be/DsDANy61wRo