Apple Watch加adapter喪玩皮帶、軍帶


早前同大家「些牙榮」咗少少Apple Watch民間配件,質素有高有低。不過今個禮拜就搵到好嘢,一於玩多次。之前我哋率先將Apple Watch嘅表帶解構再造,變成手造皮革本物風(回帶重溫),幫手搞呢個project嘅職人Kit話俾我知,份稿出街後已有人叫佢跟住照整,型人有taste係抵讚,不過唔使再跟車太貼,皆因我而家正式宣布「職人改革」,以後玩本物皮革表帶,唔需要再癲到剪帶重組,皆因近期俾Apple Watch用嘅adapter已經周街都買到。而家你只需要帶埋個adapter去搵職人Kit,就可以搞到條靚仔custom made皮帶,一齊再去尖咀探下佢玩多次啦!

text – Nam photo – Pakco

上次稿出街後有朋友仔照跟,而且係玩鋼版,勁過我啦^^
上次份稿出街後,有朋友仔照跟,而且係玩鋼版,勁過我啦^^

翻兜皮帶 今次唔使剪
上次我哋去尖咀Miner49搵職人阿Kit訂製皮革表帶,為求玩到最快又最安全,諗都冇諗就叫Kit玩retouch加工,將原廠膠帶剪爛剩係要個adapter,肯定扣到最穩陣兼fit位,效果當然比單純整個皮托好啦,但要犧牲條原廠帶就唔係人人都接受到,所以都有溫提大家,可以用舊咗先咁玩。

不過,Apple Watch出咗成個月後,配件都開始嚟料,就好似唔少人恨要嘅adapter都已經周街買到。講真,要介紹一句都講完:有adapter之後,只要你條表帶唔超過24mm闊已經可以用得,皮又得膠又得尼龍都得。我哋想型,梗係做番職人手製皮帶啦。不過,呢個Apple Watch用嘅adapter始終只係隨街買,唔係咩官方認證配件,如果擔心唔穩陣嘅朋友,玩之前要諗清楚。

都冇乜好講,就係adapter一個,用螺絲扭開就可以換到帶。我作為一個「奄尖」友兼死窮鬼,件嘢唔得我重驚過你,已將個adapter驗屍咁驗。平心而論雖然係非官方出品,但接口位都做得幾靚,插入Apple Watch時一樣有「卡」一聲頂住個「荀」位,都算放心嘅。
都冇乜好講,就係adapter一個,用螺絲扭開就可以換到帶。我作為奄尖友兼死窮鬼,件嘢唔得我重驚過你,已將個adapter驗屍咁驗。平心而論,雖然係非官方出品,但接口位都做得幾靚,插入Apple Watch時一樣有「卡」一聲頂住個「荀」位,都算放心嘅。
用adapter玩帶,就可keep到Apple Watch個樣之餘又做到個人風格嘞,我自己就好鐘意,唔知你。
用adapter玩帶,就可keep到Apple Watch個樣之餘,又做到個人風格,我自己就好鐘意,唔知你點諗。
大圖迷彩皮帶未必啱你口味,職人Kit嗰度一樣大量帶任你揀,甚至直接叫佢現場照你需要即做,價錢都係幾舊水,手作嘢嚟講唔貴。
如果迷彩皮帶唔啱你口味,職人Kit嗰度一樣有大量帶任你揀,甚至直接叫佢現場照你需要即做都得,價錢都係幾舊水,手作嘢嚟講唔貴。

>

內容延讀

>回帶重溫Apple Watch充電架、保護殼

>Apple Watch好兄弟 10個iPhone 6s江湖傳聞新規格

 

真係玩到Nato strap?咪老點!
講堅,我哋首日入手Apple Watch後,第一時間已經諗到底有冇辦法換條Nato strap。點知上星期SOPHNET.主理人清永浩文就喺instagram分享咗自己隻Apple Watch襯Nato strap,效果堅靚,可惜佢個hashtag有句「心拍数は測れません」,意思即係用唔到心率功能,得個睇字。所以Nato strap仍未完美呀。

清永浩文呢張相真係靚到人個心離一離,不過佢寫明「心拍数は測れません」,即係仍然有待開發~
清永浩文呢張相真係靚到人個心離一離,不過佢寫明「心拍数は測れません」,即係仍然有待開發~
有adapter自然要試一試,唔跟玩藍白海員風改玩國旗色一樣work,Apple Watch真係堅百搭。
有adapter自然要試一試,唔跟玩藍白海員風改玩國旗色一樣work,Apple Watch真係堅百搭。
雖然Apple Watch明顯都好適合玩Nato strap,但會成個心率監測器遮晒,少咗個最強功能,都係等等啦。
雖然Apple Watch明顯都好適合玩Nato strap,但會成個心率監測器遮晒,少咗個最強功能,都係等等啦。

Miner49erhk

尖沙咀加連威老道59號 2311 3083


內容延讀

>回帶重溫Apple Watch充電架、保護殼

>Apple Watch好兄弟 10個iPhone 6s江湖傳聞新規格

YOU MAY ALSO LIKE ...

There is 1 comment

Add yours
  1. 新Monday / Pizza Hut外賣紙盒變投影機! - 新Monday

    […] >再睇埋Apple Watch加adapter喪玩皮帶、軍帶 […]


Comments are closed.