【翻新工程系列】5招將對舊高踭鞋變新款

潮流

廣告

相信唔少女生都會中咗1個魔咒,就係「買鞋咒」!呢個咒相當離奇,一見到鞋就會想買,但買落咁多鞋,邊到着得晒?有啲鞋未着,個款可能已經out咗!或者着舊咗,想試下啲新花款,使乜買過對新呀,自己加啲新意D.I.Y.,整對全球獨一無二嘅鞋,又唔怕同人撞款,又有新鮮感,真係一舉好多得呀!係咁多款鞋入面,高踭鞋嘅可塑性就最高啦,而家即教大家5種方法整靚對鞋先!

text-Swing (ig:nganshuwing) photo-互聯網圖片

1.閃粉

首先就緊係揀好你自己鍾意嘅顏色閃粉,然後倒入去個樽到,將佢哋撈埋。之後就搽膠水或者噴tacky spray,將已經撈埋咗嘅閃粉毫不留情係對高踭鞋上面灑,灑幾多由自己決定,之後等佢乾就可以喇 !

 

睇埋段片會更加明!

內容延讀:

鍾意玩手作必去!週末遊港台大型 Fusion午後市集 10個編輯部精選手作單位

玩埋《玩轉 腦朋友 》心測!5題測你邊位 腦朋友 當家

2. 閃石

唔鍾意閃粉,可以整閃石架!想方便快捷,可以買本身已經有黏力嘅閃石!想講究啲?你又可以買1包大大粒嘅閃石,當然重要準備好超能膠同個鉗,然後小心翼翼將超能膠搽上去閃石到,再按自己嘅喜好,貼出鍾意嘅圖案,貼到成對鞋係閃石又得,剩係貼部分係閃石亦得,總知對鞋有閃石,閃閃發光,着上後,焦點重唔係你?

 

3. 喱士布

如果想將1對平平無奇嘅高踭鞋變身,變成第2種風格,咁你就要試下呢種方法啦!如果你想玩女人味,可以準備1塊喱士布,重有鉸剪同tacky spray。首先度好你想塊喱士布覆蓋對鞋幾多,然後就剪下塊布,再係對鞋上面噴tacky spray,然後就貼塊喱士布上去,當然邊位就一定要修口啦。咁1對充滿女人味嘅高踭鞋就誕生啦!

內容延讀:

鍾意玩手作必去!週末遊港台大型 Fusion午後市集 10個編輯部精選手作單位

玩埋《玩轉 腦朋友 》心測!5題測你邊位 腦朋友 當家

 

4. 噴漆

睇咗以上3個示範,都係鍾意淨色嘅款?無問題!買支噴漆幫對鞋改頭換面。你可以成對噴,又可以淨係噴1個地方,例如鞋頭或鞋踭。假如你淨係噴鞋頭,咁你就要用寬膠帶去貼住你唔想噴到嘅鞋面,重有鞋頭嘅底部。(不過記得唔好買啲黏力極強嘅膠帶呀!因為撕落黎個時隨時會整花對鞋架!)之後就用舊毛巾/舊報紙塞入鞋入面,咁就唔會整污糟對鞋啦!噴個時記得只好噴2至3層好啦,因為噴超過3層,就會開始落漆架啦!留意番!

 

5. 指甲油

嫌噴漆麻煩?如果你係指甲油控,屋企一定有好多用極都用唔哂嘅指甲油啦!有啲指甲油好平,但又唔想丟左去?咁你可以用佢嚟幫你對高踭鞋變樣啦!首先你都要用膠帶去貼住你唔想整污糟嘅鞋面,然後你就可以慢慢油啦!

YOU MAY ALSO LIKE ...

There is 1 comment

Add yours

Comments are closed.