網民力選11個舊香港人先識嘅字眼 嘆：「都係舊式嘅字眼更加有味道」

網民力選11個舊香港人先識嘅字眼 嘆：「都係舊式嘅字眼更加有味道」

1.地鐵/火車

2007年前，當時港鐵與九鐵尚未合拼，所以還有地鐵與火車之分。城市人通常都以地鐵作最快捷的交通工具，不過住新界地區的市民，通常都是以火車去出九龍，所以那時候常常都聽到人話：「搭緊火車出嚟。」，聽上去好似好遠，其實都唔係真係太遠。

2.寵物小精靈

香港地區「Pokémon」曾被稱為「寵物小精靈」，而這個名字亦一直沿用2016年，官方宣佈將統一中文版名字為「精靈寶可夢」，一改名就引來劣評如潮，認為其名字不如以往咁鬼馬同貼題。

3.抵食/抵買/抵玩 etc..

以前當認為一樣嘢超值時，都會用「抵」字去做比喻，而呢個字亦是香港人獨有同埋經常會講的字眼。不過現在很多時都會被「性價比高」或「CP值高」等的字眼取代，少咗好多人再用「抵」一字。

4.吉之島

想當年Aeon仲未周街都係的時候，吉之島絕對係港人愛去的日式百貨店，時常都會同朋友仔講「吉之島等」。不過依家已經變晒做Aeon，但有時都是難以改口，將Aeon叫了做吉之島。

5.楊枱/羅仲謙

為了逆天改命，藝人羅仲謙同楊枱夫婦都進行改名，男方改做羅子溢，女方就改做楊茜堯。兩個名真係難記過羅仲謙同楊枱好多，楊茜堯仲要好繞口，難搞難搞~

6.煲電話粥

以前手機網絡還未盛行時，「煲電話粥」絕對是每個人都會進行的行為，與好友在電話中暢談，比起現在只用即時通訊工具來真實，距離感亦沒有咁遠。而且「駁線」一定係必做行為，「駁上駁」更是高手所為。

7.叮噹

「叮噹」與「多啦A夢」的確可以做到「世界大戰抹黑宇宙」，有人撐「叮噹」先係最接近叫法，有人又指港音譯的「多啦A夢」就來得接近點，慢慢地「多啦A夢」就成為了新一代最常叫的名字了。

8.人仔台

以前「人仔台」Peoples尚未改名做「中國移動」前，因為Icon是幾個人組成，所以俗稱為「人仔台」，想當年Send Sms都要同台先可以send（因為唔收錢）。不過現時講「人仔台」，相信新一代都未必知是什麼。

9.紅衫魚/ 青蟹/ 金牛

舊一代電影中時常都有對白以「紅衫魚」，「青蟹」，「金牛」分別代表港幣$100，$10同埋$1,000。不過慢慢開始都少咗唔少人講，通常都就咁叫返其面值就算數。

10.新世紀廣場

位於旺角的新世紀廣場，近年改名為MOKO。但有經歷過舊一代的人都能以改口叫MOKO，直接都係叫返「新世紀」就算數。

11.梁烈唯

「唯唯」梁烈唯改名/成為梁競徽，並開始北上發展。不過對於其新名梁競徽大家都係叫唔慣口，頓時都係叫返唯唯算數。早前更有酒店爆料話唯唯態度同英文差，仲以為去到邊都一定有人識一樣。

資料來源：連登