陳冠希潮服品牌活動 Tyson唔識撈hea住撐場

潮流
Ken

廣告

陳冠希(Edison)近月飛越半個地球，先返香港捧老友的藝術展場，之後踏足過日本、回溫哥華，日前再返回香港，下月就迎接42歲生日的他，其自家品牌Clot創立多年，每年均與不同單位合作有新collections，而今期Edison則勁推Clot的2022 Fall Winter系列，昨日在中環搞了個發布會，仲請了獨立歌手Tyson Yoshi、193和莊正等潮人撐場，不過一向隨性的Tyson似乎唔多識做，全身上下均是其他品牌，完全同Clot唔關事。

Tyson緊張捧場

陳冠希自家品牌今季推出的的Winter Collection “ALTERED BEAST”系列，於本月16日正式推出，貴為老闆的陳冠希當然要助陣，更特別從加拿大回港隆重其事，而系列在24及25日選址在中環置地搞兩日pop-up store，昨日23日則在上址搞發布活動，hit爆的獨立歌手兼潮人代表Tyson Yoshi亦應邀撐場，與陳冠希兩代型人同場，而同場還有193但官方及193均未有po相。

陳冠希 貴為老闆陳冠希親自助陣pop up store，消費滿3,000蚊便有機會同佢合照！
貴為老闆陳冠希親自助陣pop up store，消費滿3,000蚊便有機會同佢合照！（圖片來源：edisonchen@ig）
陳冠希 陳冠希日前po出背影照表示自己又在香港了，背面睇有啲發福。
陳冠希日前po出背影照表示自己又在香港了，背面睇有啲發福。（圖片來源：edisonchen@ig）

撐場倒米 Clot無影

一向屬於潮人一族的Tyson，在個人instagram都有分享出席陳冠希品牌發布會的照片，仲講明「有啲緊張」，觀其言行似足粉絲潮拜偶像，臨尾仲由陳冠希主動跟他擊拳以示友好，不過一向隨性的他似乎唔太識做，無論上衫、褲同飾物都唔係Clot，純粹帶個人誠心撐場，真係唔知讚佢cute好定唔識撈好喇！

陳冠希 Tyson有轉發Clot官方ig與陳冠希合照，雖然擺出一副型樣，但其實好緊張。
Tyson有轉發Clot官方ig與陳冠希合照，雖然擺出一副型樣，但其實好緊張。（圖片來源：tysonyoshi@ig）
陳冠希 Tyson所著的tee係美國樂隊Bouncing Souls推出的黑tee。
Tyson所著的tee係美國樂隊Bouncing Souls推出的黑tee。（圖片來源：bouncingsouls@website）
陳冠希 特別得嚟仲好鬼抵買！
特別得嚟仲好鬼抵買！（圖片來源：bouncingsouls@website）
陳冠希 而條牛仔褲同飾品都係Tyson一向最愛的品牌Chrome Hearts，條褲係Chrome Hearts x Levi
而條牛仔褲同飾品都係Tyson一向最愛的品牌Chrome Hearts，條褲係Chrome Hearts x Levi’s系列，vintage嘢，索價大約5萬港元起。（圖片來源：Chrome Hearts@website）

落重本搵日本名人model

而今次Edison品牌fall winter系列以ALTERED BEAST為主題，佢接受潮流雜誌訪問時分享創作靈感是源自狂野，因為他熱愛埃及神像很多唔同動物的特徵，所以系列所見大部份都以野獸紋為主，而他亦揼本請了日籍明星窪塚洋介和日本相撲大師原橫綱力士千代之富士貢女兒兼松田翔太的老婆名模秋元梢拍宣傳片、相。

陳冠希 窪塚洋介及秋元梢為Clot做model。
窪塚洋介及秋元梢為Clot做model。（圖片來源：clot@ig）

圖片來源：edisonchen@ig,tysonyoshi@ig,bouncingsouls@website,Chrome Hearts@website,clot@ig

最高人氣 TOP 5