網民公投全盛時期陳冠希 VS 魏浚笙Jeffrey 「Edc個樣係全亞洲應該都係得幾個可以同佢比」

網民公投全盛時期陳冠希 VS 魏浚笙Jeffrey 「Edc個樣係全亞洲應該都係得幾個可以同佢比」

睇嚟大家都係認定全盛時期嘅陳冠希係最靚仔，得票率都係遠拋魏浚笙Jeffrey。20幾歲的陳冠希真係無人能及，簡簡單單的打扮都已經吸引無數女性，唱功雖然平平，但係樣子搭救。另外《頭文字D》時的形象也是超顛峰。

「Edc個樣係全亞洲應該都係得幾個可以同佢比」

講到全盛時期的EDC，其樣貌被棒到天上有，地下無。有網民就指如果單計亞洲區的話，或者就只有同期的金城武與木村拓哉能夠作比較。而EDC更加被封為無死角男神，那一張同伯伯互換身體後，依舊好靚仔。

有網民更拎出陳冠希平頭時期的照片，再稱：「叫jeffery剷光個頭再比較」，點知有網民就貼出Jeffrey於《膠戰》中扮光頭超人的照片，看上去其實也不錯。

有網民再將兩人分級，指EDC為S級，Jeffrey則為A級。不過前者雖然天生顏值高，但現時因為少保養而令到其樣貌大跌watt，而Jeffrey本身都幾著重化妝及保養，相信年紀變大也不會如EDC般走下坡。

另外都有其他網民指Jeffrey個樣易睇厭，表情管理有些少怪，而且要靠Chok先會Charm。反之EDC就算咩樣咩表情都可以展現出靚仔的一面，壓倒性勝出。