金像獎2024｜盤點紅地氈女星穿搭 鄧月平上圍撼贏林明禎！（多圖）
金像獎2023｜盤點紅地氈女星穿搭 鄧月平上圍撼贏林明禎！
1.陳海寧
陳海寧今次出席41屆金像獎俾晒心機，選用平肩上圍谷胸，再加上黑白碎花長裙以及高踭鞋，後背更大玩See Through，性感程度爆燈！
2.鍾雪
鍾雪繼續保持一貫型格路線，選用藍色珠片Blazer大褸一件頭，腰間再加上一條Chanel湖水綠腰帶，呢個撞色玩得相當出色，短髮再為整體造型加分。抵達會場後再換上ROLAND MOURET的全黑套裝，低調地型！
3.Serrini
Serrini今番一襲藍色系穿搭，低胸略露上圍顯性感，而裙款設計都突顯出Serrini的「女皇味」，十分有架勢！
4.余香凝
余香凝今次帶住「BB」行紅地氈，身材Fit爆穿上Bling Bling銀色珠片貼身長裙，魚尾裙擺亦增加了造型之細節，後梳髮型十分型格！
5.楊詩敏（蝦頭）
蝦頭今屆都將自己傲人上圍展出，黑紗晚裝裙Deep V設計，大騷上圍，蝦頭都笑言自己「第一次著咁Deep V」，但服裝的設計令蝦頭充滿優雅感。
6.袁澧林
被劉德華點名大讚的Angela袁澧林，紅地氈時穿上Chanel SS23的最新套裝，品牌風格極濃，服裝中間更是單個蝴蝶結設計，相當性感，而Angela整體穿搭都相當出眾。
7.謝安琪
謝安琪繼續一貫優雅的穿搭風格，上身選用深藍色V領背心，而下身則選用同色系的蛋糕裙，同老公張繼聰所穿著的裇衫為同色系，相當有諗頭！
7.談善言
談善言一襲全黑晚裝來自YSL，裙款的窄身設計都顯出她的身材相當不錯，而為了讓穿搭有亮點，左右手各自戴上一金一銀的手鐲，增加穿搭的細節。
8.林明禎
「仙氣女神」林明禎今番以長髮示人，選用一襲白色的晚裝裙出席，低胸See Through設計亦令明禎大騷身材，而且更巧妙地用小型手袋作輔助，增加穿搭亮點。
9.王丹妮
擁有身高優勢的王丹妮真係著乜都掂，紅地氈時選用極少布的白銀色晚裝，大展上圍又騷蜂腰，而下身亦因為設計令長腿若隱若現！
10.陳泳伽@COLLAR
陳泳伽一襲黑色晚裝裙，貼身設計大騷身材，腰間再以紅色珠片腰帶作點綴，最吸睛係白色超高高踭鞋，連行步路都辛苦啊！
11.周秀娜
娜姐真係點著都靚，今次選用全黑look登場，最有心村都係中門大開大騷身材，既性感又示失優雅！
12.毛舜筠
Mo姐拖住兩個「仔」姜B同Jer登上紅地氈，身穿全白套裝優雅感十足，睇落去氣場都相當勁啊！
13.鄭秀文
鄭秀文真係可以叫「瘦」文！身材Fit到爆的她紅地氈大玩露背裝，全黑晚裝裙盡顯Sammi的女皇Feel，而且短頭髮更為她加上一種充滿「幹練」的感覺，恭喜晒最佳女主角！
15.莫文蔚
攜古巨基一同出場的Karen，身穿一襲黃色長裙，來自Stella McCartney。黃色系並唔係人人都carry到，但Karen做到了！
16.梁詠琪
梁詠琪繼續以短髮示人，一襲黑色平肩長裙略帶性感又盡顯優雅感，相當出眾！
17.鄧月平
最頭出場的鄧月平一襲粉紅色裙示人，點知最後換上一身黑色套裝再次在最後登場，今次有晒驚喜，上圍開胸設計大騷傲人身材，可以話幾乎撼贏在場女星，最性感之人非你莫屬啦！
金像獎2023完整得獎名單是？
第41屆《香港電影金像獎》於4月16日香港文化中心大劇院舉行。港產片正值復甦，今年競爭相當激烈，劉青雲奪影帝「最佳男主角」、鄭秀文奪「最佳女主角」，一文睇晒完整得獎名單。
