潮襯運動風 人氣化妝造型師教你這樣配搭才對

Text︰YY

親身教你用不同腕錶配搭型男運動Look

RickyKAZAF認為腕錶對配襯有畫龍點睛嘅重要性！尤其今年興起運動風，運動腕錶唔再係實用咁簡單，仲可以係好時尚，令整個造型更顯個性，所以會加入3款TISSOT亞運會特別版運動腕錶去配襯。

休閒斯文Look

想著出斯文又不至俾人有拘謹嘅感覺？加一點型格運動元素就可以！以黑白為主，上身選擇休閒感強嘅橫間Polo Tee、披搭薄線衫，以及白色錶面紅色秒針設計嘅PR 100 80小時動力儲存腕錶2018年第十八屆亞運會特別版，突出立體層次感。下身為質地較挺身嘅運動褲款，有修飾腿型效果，令整體更修長苗條。黑色運動型鞋款喺鞋帶位以藍色Detail點綴，增加型格玩味，將整體造型提升另一層次。將瀏海遮住前額，休閒斯文造型誕生。

運動狂熱份子Look

一改以往Sporty Look只係背心加短褲嘅印象，今次加添色彩元素，穿上紫色運動套裝。拉鍊外套嘅企領設計份外型格，運動短褲、大錶面設計嘅Chrono XL 多功能計時運動腕錶 2018年第十八屆亞運會特別版，讀時更清楚，亦令整個造型增添不少活力氣息。至於髮型方面，可以Set個Wet Look鬈髮，避免運動後頭髮因出汗而出現扁塌情況，幾時都可以Keep住型仔造型。

街頭隨性Look

想帶出夏天清爽感覺又易Carry，藍白配襯牛仔造型絕對係不二之選！牛仔褸上加入棒球運動圖案，再配襯一雙極易襯嘅白波鞋，輕鬆又自在，戴上紅色錶帶嘅T-Touch Expert Solar 觸碰感應腕錶2018年第十八屆亞運會特別版作點綴，令整個造型更Sharp更有活力。

後記︰男孩扮靚速成Tips

RickyKAZAF再醒扮靚Tips俾大家，其實改變造型唔一定好複雜，簡單注意一下已經唔同晒。就從衫、髮型、皮膚同眉型方面同大家扼要分享一下，人人都可以輕易掌握。

1｜百搭Item︰每個男生衣櫃點可以無Must-Have Item嘅白色波鞋同白色Tee呢？夠晒百搭，簡約又易配襯，無論行街或做運動一樣咁啱。

2｜髮型︰潮流興All Back，其實未必人人都啱。想將沉悶嘅髮型稍稍轉變，一於係瀏海落手，帶嚟唔同效果！想望落精神啲，可簡單將較多瀏海梳起，露出大部份前額位就得。想給人斯文暖男感覺，則相反以瀏海遮住前額位或只露出小部份前額位，尤其適合面型較長嘅男生，改善面部比例。

3｜保濕唔可以忽視︰除咗洗面，仲有一個護膚基本步驟唔可以懶，就係保濕！男生比較易面泛油光，可以使用Gel狀嘅保濕產品，清爽質感啱晒夏天用，為肌膚保濕之餘，可以增加肌膚光澤而減少面油出現。

4｜眉型︰眉型可以提升個人整體觀感，想更Sharp更精神，可以跟住眉骨稍為修飾，去除雜毛，當然可以由修眉師代為幫手啦！

5｜運動腕錶︰突顯個人品味，俾人一種時尚又有活力嘅感覺，而且功能實用，成為打扮造型嘅亮眼點！

了解TISSOT更多︰https://bit.ly/2KQyPal