連登仔吹奏TESLA=媾女神車、列3大優點捧到上天!

潮流

廣告

由Elon Musk所創造的TESLA電動車,在近年香港亦慢慢開始變得普及,TESLA亦是世界上數一數二知名的電車,深受不少車友熱捧。而有連登仔就瘋狂吹奏TESLA,將其封為「媾女神車」,仲吹捧到「天上有,地下無」咁樣!

連登仔吹奏TESLA=媾女神車 列3大優點捧到上天!

有連登仔於討論區出文,問及一眾網民揸Tesla是否「媾女神車」,有網民就認為揸得Tesla都有一定財力,就算是二手Tesla最少都要$23萬起跳,直言「「保費一年都萬幾啦,供車$6,000,保費$1,000,車場$4,000,唔計你平時出街泊、抄牌、電費、一個月都萬幾,拎得出萬幾你會同條女租樓定買架車?未計好多人有車有樓」、「價錢平,優越感強,啲女唔識車價以為你好有錢」。

TESLA
(圖片來源:TESLA)

TESLA 3大優點丨1. 唔使入油好有型!

亦有網民道出重點,認為Tesla是電動車所以無需入油「好有型」,「聽過有條囡講啦,佢架車唔洗入油㗎,個語氣好炫耀」,又指出因為可以優先使用充電車位的關係,所以月租車比起時租車更有權利,「聽過有條友周圍同人講佢部Tesla條避震要20萬,但成日喺房署車場講自己係月租車有權利較時租車優先使用充電位」。

TESLA
(圖片來源:《頭文字D》劇照)

TESLA 3大優點丨2. 車主特別有優越感

另外有Tesla車主都分享遊車河特別開心,直指將Tesla停泊在路邊時,邊開住冷氣邊傾偈,車輛都沒有引擎聲又無廢氣,不會影響人。亦有網民覺得揸Tesla特別有優越感,「一般唔熟車嘅女人對Tesla嘅印象就係股價貴(同車價掛鉤)、Elon musk好勁、充電好與眾不同、有個大螢幕可以睇Netflix」、「無錯,的確係溝女神車」、「女就唔知,我只係知小朋友當Tesla係神車」、「唔識車嗰啲女,咪覺得架車好先進喎」。

TESLA
(圖片來源:《二十五,二十一 》劇照)

TESLA 3大優點丨3. 車友反駁:淨係呃到無知女!

不過都有研究開車的網民反駁,認為Tesla基本上只呃到一些對車零認識的女生,「識車嗰啲女都知你架車大約咩價錢啦,身邊識得有啲女係識啲車,佢哋對車係有啲研究,但係佢地唔係鍾意車,佢地係想知道個男司機本身有冇錢,有錢就黐埋去,佢哋係大約噏得出一部benz c仔、e class、tesla model 3、寶馬4係大約幾錢」。

TESLA
(圖片來源:FB@林志穎)

圖片來源:FB@林志穎,劇照,TESLA