謝霆鋒白髮造型完美Carry白西裝＋中空西裝 網民：型到碧咸咁！

謝霆鋒白髮造型輾壓同場男星 網民：型到碧咸咁！

早前上海電影節開鑼，不少巨星都有親臨現場參加，而謝霆鋒當日同樣有出席活動。一襲白色西裝Tone on Tone，再加上一副來自美國著名銀飾品牌Chrome Hearts的眼鏡以及腳踩Balenciaga的造舊全白Runner，整體配搭既乾淨又有型。

「中空」西裝Charm到爆！

之後霆鋒上台頒獎先，換上「真空」露胸肌西裝Set，同樣勁煞食型到爆炸！

銀白髮型勁吸睛

而霆鋒近日亦更新IG，post出自己一身穿著西裝的樣子，其銀白髮色相當吸睛，而長髮的他更是在瀏海中加入銀飾作點綴，相當有型有款。有網民都大讚霆鋒去弓呢個年紀依然Keep得十分好，而且仲有「越老越型」的跡象，亦有網民大讚霆鋒「型到碧咸咁！」。

最強「MK教父」

謝霆鋒一直都被譽為「MK教父」，身為80後、90後都一定有聽過佢嘅歌，無論是《活著VIVA》抑或是《潛龍勿用》，首首都超級適合謝霆鋒去演唱。而且每次MV造型同樣型到爆，一頭中長髮，一件背心再加一條牛仔褲以及背起結他，可以話係相當之型。

Full Gear Chrome Hearts出騷

而謝霆鋒亦算是潮流先驅，在很早期已經鍾情Chrome Hearts這個品牌，每次演出都幾乎是「Full Gear」上陣，就連件背心同樣都著用Chrome Hearts，絕對是品牌死忠！而對於如此熱愛Chrome Hearts，當然都要提及父親謝賢，四哥同樣熱愛「Biker Style」以及Chrome Hearts銀器，在父親的熏陶下，霆鋒當然都熱愛該品牌！

一飾難求

Chrome Hearts目前在香港有兩間分店，不過要即場買到睇上眼的銀飾，可能性幾乎是少至又少，就算排入Waiting list，都可能要等上半年先會得到心頭好。再加上近年Chrome Hearts加價不斷，單係一隻Keeper戒指，都已經破萬元！