薛凱琪北上發展「娘味化」 穿搭出事瘋狂炒車！

薛凱琪北上發展「娘味化」 穿搭出事瘋狂炒車！

不知道是否因為近年專注於大陸市場的關係，薛凱琪在衣著上都為了迎合大陸人的口氣，開始變得浮誇，其用色上以及風格都偏向大陸人口味。一時就著到大紅大紫，一時就將大品牌的logo都著上身就當係Fashion。對比以往在港發展時的造型的確係相差得十分之遠。

妝髮最出事

但要講最出事的，相信都係Fiona的妝髮，近日她將髮型轉做大波浪，而妝容則變得比以往更濃，諗住嚟個「細路仔扮大人」的風格。不過明顯妝容太濃的關係，與其散發出來的氣質都有些差別，再加上復古的大波浪髮型，更加係令整個「少女感」蕩然無存，反而係多了一絲的「娘味」。

新造型惹禍

早前薛凱琪在出席一個活動時，穿上一條白色碎鑽晚裝長裙，髮型則繼續大波浪設計，眼妝及唇膏都用上更偏向深色系，整體感覺充滿復古感，乍看之下仲以為係范冰冰。晚裝裙來自KIM KASSAS，整體設計感都相當足。要講出事位當然就係Fiona的妝髮，太過濃的妝容以及不符合個人氣質的髮型，轉一轉相信會更好。

網民唔認得薛凱琪

大陸網民對於Fiona的造型都大讚，直指佢係「仙女下凡」。相反，香港網民就認為Fiona呢幾年的轉變太大，失去了以前的清純感，仲有網民笑稱：「范冰冰整到薛凱琪咁定薛凱琪整到范冰冰咁」直指唔認得Fiona，另外一條影片中薛凱琪在擺pose時，其表情好似有啲過火，被網民笑：「啲表情想點？」。