剪頭髮

4.20先有機會可以剪頭髮!男士髮型自保6招 戴帽係最方便著數?

潮流

廣告

昨日林鄭月娥就宣布社交距離措施將會延長至4月20號,一眾男士過完年到依家都仲未剪得頭髮,叫苦連天。唯求自保,只能夠用其他方法去令到自己個頭唔會變到有數字之餘又有Style。

4.20先有機會可以剪頭髮!男士髮型自保6招 戴帽係最方便著數?

1.上門髮型師

收窄社交距離措施之後,髮型屋都被勒令停業,髮型師都叫苦連天。不過都有不少髮型師開始提供上門剪頭髮甚至染頭髮的服務。如果真係停唔住嘅巴打,呢一招係最方便亦都係最好的解決方案,不過往往上門剪頭髮都會貴過在店鋪中剪,所以半個月就剪一次頭髮嘅巴打,要忍忍手了。

剪頭髮 上門髮型師係唔錯選擇。
上門髮型師係唔錯選擇。(圖片來源:《12金鴨》劇照)
剪頭髮
(圖片來源:《12金鴨》劇照)

2.自學剪頭髮

依家資訊發達,在YouTube上面其實都有不少影片教學,讓眾男士都可以用自己雙手去剪頭髮。不過要自己剪頭髮,都要先買理髮器同埋一把比較好少少嘅較剪,另外鏡都好重要,因為剷後面都唔是想像咁易。

3.戴帽造型

幾種方法入面比較方便又唔使自己DIY嘅方法相信就係戴帽,冬啲可以笠冷帽,準備回暖又可以戴返啲Cap帽。揀到一頂啱feel嘅cap帽更加可以增加造型感,令當日的穿搭更為豐富。

剪頭髮 帶帽夠方便。
帶帽夠方便。(圖片來源:[email protected]不滅墨水)
剪頭髮
(圖片來源:[email protected]
剪頭髮
(圖片來源:[email protected]

4.留長頭髮

唔知係咪每個男人都幻想過自己留長頭髮的話係咩樣呢 ?其實不少男明星都是中長髮型,加上gel頭的技巧的確可以令到長髮都睇落順眼又有型。不過香港天氣潮濕,要定型都唔係咁易。但如果一早都想試一試長髮嘅男仔。係機會啦!飛雲!

剪頭髮 唔是個個可以型到鄭伊健咁。
唔是個個可以型到鄭伊健咁。(圖片來源:[email protected]_cheng_official)
剪頭髮
(圖片來源:[email protected]
剪頭髮 唔小心就會變成咁。
唔小心就會變成咁。(圖片來源:《賭神3之少年賭神》劇照)

5.朋友互剪

當自己學完剪頭髮後,都未必真係要自己幫自己剪。不妨同其他好兄弟一齊學好點剪頭髮,之後就大家幫大家剪。仲可以舉行比賽,睇睇邊個朋友手藝最好,話唔定能夠發掘到該方面的潛力。

剪頭髮
(圖片來源:[email protected](official))
剪頭髮
(圖片來源:[email protected]

6.減少洗頭

想頭髮長得快,多洗頭係一個要訣。反之,減少洗頭就可以令頭髮生慢啲。不過記住在減少之際都要注意個人衛生,唔好成個禮拜都唔使,會變「油頭毒L」的。現時疫情當道亦令到不少公司安排WFH,WFH下如沒有太大郁動和出汗,呢個方法都仲算可行的。

剪頭髮
(圖片來源:《功夫》劇照)

不過其實男士頭髮生得都比較慢,要封差不多兩個月時間嘅髮型屋唔能夠完全令你頭髮變到鄭伊健咁長,最多都係會踏入「尷尬期」,即係長又唔算太長,滴水位同髮腳位都尷尬。所以都唔使太擔心,希望疫情早日減推,能夠在4月20後就去髮型屋睇「全男班」的盛況。

關鍵詞
男士髮型
圖片來源:劇照,[email protected][email protected](official),[email protected][email protected]_cheng_official,[email protected][email protected]不滅墨水

YOU MAY ALSO LIKE ...